Teatrşünas Məmmədsadıq Əfəndiyevin barelyefinin açılışı olmuşdur

Dekabrın 19-da tanınmış ictimai xadim, yazıçı, teatrşünas Məmmədsadıq Əfəndiyevin yaşadığı binaya vurulmuş barelyefin açılışı olmuşdur.

Mədəniyyət və Turizm nazirinin müavini Ədalər Vəliyev, barelyefin müəllifi, əməkdar rəssam Arif Qazıyev, Azərbaycan Teatr Xadimləri İttifaqının sədri, xalq artisti, professor Azərpaşa Nemətov, Milli Elmlər Akademiyasının müxbir üzvü, professor İnqilab Kərimov və başqaları tədbirdə XX əsrdə milli teatrımızın və incəsənətimizin inkişafında M.Əfəndiyevin əvəzsiz xidmətlərindən danışmışlar.

Professor İmruz Əfəndiyeva atasının xatirəsinə göstərilən hörmət və ehtirama görə minnətdarlığını bildirmişdir.

Barelyefin önünə gül-çiçək dəstələri qoyulmuşdur.

Respublika.- 2008.- 20 dekabr.- S. 7.