Best Model of World-2008də uğursuz çıxış etməmişik

 

Təşkilat komitəsi məsələyə aydınlıq gətirdi

 

Dekabrın 6-da Türkiyədə keçirilən "Best Model of World-2008"-də həmyerlilərimizin uğursuz çıxış etdikləri deyilir. Müğənni Ruhi səfərini başa vurmadığı üçün məsələyə "Best Model of Azerbaiyan-2008"-in baş koordinatoru Nəzakət Hacıyeva münasibətini bildirdi. Onun sözlərinə görə, hər iki iştirakçı - Esmira Novruzova Rahib İsrafilov uğurla çıxış ediblər: "Rahib İsrafilovun adı ilk beşliyə düşüb. Esmira isə ondan bir qədər geri qalaraq adı 10-luqda səslənib. Bunu uğursuz çıxış adlandıranlar başa düşmək istəmirlər ki, bu yeri 82 ölkənin iştirakçısı arasında qazanıblar. Bu, heç zəif göstərici deyil".

N.Hacıyevanın bildirdiyinə görə, gecədə Ruhi ən yaxşı təşkilatçı kimi təqdim olunub ona müsabiqənin final mərhələsində münsiflər heyətində təmsil olunmaq şansı verilib: "Tədbir "KanalD"dən bütün dünyaya canlı yayımlanırdı. Sadəcə, efir vaxtı yekunlaşdığından tamaşaçılar nəticə ilə tanış ola bilməyiblər".

Söhbət zamanı öyrəndik ki, Ruhinin müsabiqənin yekunundan sonra əcnəbi ölkələrdən birində dincəlmək arzusu baş tutmayıb. İşlərinin çoxluğu ilə əlaqədar onun Bakıya qayıdacağı deyilir

 

Kaspi.- 2008.- 11 dekabr.- S. 16.