Kino sahəsində regional və çoxtərəfli əməkdaşlıq genişləndiriləcək

Kiyev Təşəbbüsü Regional Proqramı çərçivəsində İtaliyanın Turin şəhərində "Cross-Border Cinema Culture (Sərhədyanı Kino Mədəniyyəti)" layihəsinin koordinatorlarının növbəti görüşü keçirilib. 2007-ci ildən həyata keçirilən layihənin tərkibinə 5 ölkə- Azərbaycan, Moldova, Ukrayna, Gürcüstan, Ermənistan daxildir.

Mədəniyyət və Turizm Nazirliyinin mətbuat xidmətindən aldığımız məlumata əsasən, Azərbaycanın CBCC layihəsinə qoşulmaqda məqsədi kino sahəsində regional və çoxtərəfli əməkdaşlığın genişləndirilməsi, kino irsi problemlərini aradan qaldırmaq, peşəkar treninqlərdə iştirak etmək imkanı əldə etmək, film istehsalı sahəsində beynəlxalq əlaqələri genişləndirmək, regional kino siyasətini inkişaf etdirmək, kino sahəsində mövcud qüsur və problemlərin həlli istiqamətində tədbirlər görmək və s.dən ibarətdir. Növbəti görüşün 2009-cu ilin mart ayında keçirilməsi gözlənilir

Səs.- 2008.- 16 dekabr.- S. 12.