Rasim
Balayevin 60 illiyi Ağsuda qeyd olunub
Ağsu şəhər mədəniyyət
sarayında xalq artisti Rasim Balayevin
60 illik yubileyilə bağlı mərasim keçirilib. Doğulub boya-başa çatdığı yurdun
ziyalılarının, ictimaiyyət
nümayəndələrinin, sənət dostlarının,
respulikamızın tanınmış
elm, mədəniyyət və
incəsənət xadimlərinin
iştirak etdiyi tədbirdə "milli kinonun iftixarı" adlandırılan Rasim Balayevin sənət yoluna nəzər salınıb. Xalq şairi Zəlimxan Yaqubun aparıcısı olduğu gecədə
rayon icra hakimiyyətinin
başçısı Ənvər
Seyidəliyev, millət
vəkili Ərəstun
Cavadov, xalq artisti, Teatr Xadimləri İttifaqının
sədri Azər Paşa Nemət, professor İlham Rəhimli, Neft Akademiyasının professoru Ələkbər
Həsənov və başqaları yubilyarın
həyat və sənət yolunun ayrı-ayrı məqamlarından,
uğurlarından söz
açıb, onun sadə, səmimi, diqqətcil və qayğıkeş insan olduğunu vurğulayıblar.
Rasim Balayev tədbirin
təşkilatçılarına və iştirakçılarına
minnətdarlığını bildirib.
Yaradıcılıq gecəsi tanınmış
incəsənət ustalarının
maraqlı konsert proqramı ilə başa çatıb.
525-ci qəzet.- 2008.- 23 dekabr.- S. 7.