Samirə

 

Gerçəkliyimizin Уkaktus çiçəyiФ

 

"ProCent" prodüser mərkəzinin E.Berrouzun əsəri əsasında hazırladığı "Kaktus çiçəyi" antrepriz tamaşasının məşqlərində həm gənc, həm təcrübəli aktyorlar məşğuldurlar. Ötən mövsümdə "ProCent" Azərpaşa Nemətovun quruluşunda Şekspirin "Afinalı Timon" faciəsinin hazırlanmasında iştirak etmişdi. Bu dəfə isə prodüser mərkəzi növbəti antrepriz tamaşasını müstəqil şəkildə ərsəyə gətirmək niyyətindədir. Quruluşçu rejissorun adı isə hələlik açıqlanmır. Gənc aktyorlardan biri - S.Vurğun adına Rus Dram Teatrının aktyoru Teymur Əsgərov tamaşa üzərindəki əsər barədəki təəssüratlarını belə bölüşüb: "Mən layihəyə lap son anda cəlb olundum gənc aktyor rolunu məşq etməyə başladım. Pyes ötən əsrin 60- illərində yazılsa da, məhz indi Azərbaycan gerçəkliyi üçün çox aktualdır. Mənim qəhrəmanım böyük nüfuzu çoxlu pulu olan bir şəxsin oğludur. Atası onun təminatını öz üzərinə götürmək istəsə , bu gənc oğlan, İqor Sallivan öz yolunu seçərək yazıçı olmaq qərarına gəlir. Təəssüf ki, real həyatda belə müstəqil düşüncəli gənclərə çox nadir hallarda rast gəlirik. Çox şadam ki, bu teatr layihəsinə cəlb olunmuşam. Axı bu tamaşada Fuad Poladov, Lyudmila Duxovnaya, Rafiq Əliyev kimi ustad sənətkarlarla tərəfmüqabili olacağam. Belə insanlardan həmişə nəsə öyrənmək olar".

   T.Əsgərovun atası Əsgər Rəhimov və anası Aleksandra Nikuşina da Rus Dram Teatrının aktyorlarıdır. Teatrda çalışdığı səkkiz mövsüm ərzində T.Əsgərov "Çto uqodno?", "Çayka", "Kral Lir" kimi səhnə əsərlərində çıxış edir. Gənc qayğısız Antuanetta Simons obrazını da Rus Dram Teatrının aktrisası Bella Safina canlandırır. Onun qəhrəmanı həyat situasiyalarını mütaliə etdiyi əhvalatlarla uzlaşdırmağa çalışan insanlardandır. B.Safina artıq 13 ildir Rus Dram Teatrında çalışır. Onun repertuarını "Zoluşka", "Belosnejka", "Napoleon", "Çayka", "Strannaya missis Sevidj" digər maraqlı tamaşalardakı rollar təşkil edir.

Epizodik Vesna Bottiçelli obrazını teatrın aktrisası Natalya Puşkina ifa edir. O, Rus Dram Teatrının səhnəsində "Kral Lir", "Fərhad Şirin", "Moyu jenu zovut Morris" digər tamaşalarda müxtəlif xarakterli rollar ifa edir.

Komediya janrında qələmə alınmış "Kaktus çiçəyi" pyesinin tamaşası vaxtilə Brodveydə böyük uğurla nümayişlənib. Hətta 1960- illərdə Qoldi Houp İnqrid Berqmanın iştirakı ilə Hollivudda eyniadlı ekran əsəri çəkilmişdi.
   

Həftə içi.- 2008.- 18 dekabr.- S. 8.