”Qafqaz” “Xurşidbanu Natəvan”-ı təqdim edəcək

Qafqaz Universitetində fəaliyyət göstərən teatr dərnəyinin üzvləri dekabrın 24-də Opera və Balet Teatrında xalq yazıçısı İlyas Əfəndiyevin “Xurşidbanu Natəvan” əsəri əsasında hazırladıqları eyniadlı tamaşanı nümayiş etdirəcəklər. Tamaşada baş rolları Könül Hacıyeva (Xurşidbanu Natəvan), Fuad Cəfərov (Knyaz Xasay) ifa edəcəklər. Gələn ilin fevralında isə “Qafqaz”ın tələbələri ingilis dilində hazırladıqları tamaşa ilə sənətsevərlərin qarşısına çıxacaqlar. Qeyd edək ki, iki il öncə bu ali məktəbin teatr dərnəyinin üzvləri Milli Dram Teatrının səhnəsində “Kral Lir”i ingilis dilində nümayiş etdiriblər.

Zaman.- 2008.- 25-26 dekabr.- S. 8.