Bakı Bəyannaməsi mühüm sənəddir

Avropa Şurasının üzvü olan dövlətlərin mədəniyyət nazirlərinin "Mədəniyyətlərarası dialoq Avropa və onun qonşu regionlarında davamlı inkişafın və sülhün əsasıdır" mövzusunda konfransında qəbul edilmiş Bakı Bəyannaməsinin mühüm sənəd kimi rolu böyükdür.

AzərTAc xəbər verir ki, bu sözləri konfransda iştirak etmiş Fransa Mədəniyyət Nazirliyinin nümayəndəsi Vinsent Lorenzeni söyləmişdir.

Vinsent Lorenzeni demişdir ki, Fransa bu konfransda geniş nümayəndə heyəti ilə təmsil olunmuşdur. Biz burada qəbul edilən Bakı Bəyannaməsini dəstəkləyirik. Ümid edirik ki, bu sənəd gələcək əməkdaşlığımızda mühüm rol oynayacaqdır.

Azərbaycan.- 2008.- 4 dekabr.- S. 5.