Qadınlar milli mədəniyyətin inkişafında mühüm rol oynayırlar

 

Dekabrın 2- Ailə, Qadın Uşaq Problemləri üzrə Dövlət Komitəsinin sədri Hicran Hüseynova Bakıda Avropa Şurasının üzvü olan dövlətlərin mədəniyyət nazirlərinin УMədəniyyətlərarası dialoq Avropa onun qonşu regionlarında davamlı inkişafın sülhün əsasıdırФ mövzusunda keçirilən konfransının iştirakçılarının bir qrupu ilə görüşmüşdür.

Qonaqları səmimiyyətlə salamlayan komitə sədri konfransın əhəmiyyətini vurğulamış, müasir mərhələdə milli mədəniyyətin inkişafında qadınların fəal iştirakının xüsusi əhəmiyyətə malik olduğunu qeyd etmiş, mədəniyyət və incəsənət sahəsində çalışan qadınların ictimai işlərdə və cəmiyyətdə rolundan danışmışdır.

Hicran Hüseynova qeyd etmişdir ki, Azərbaycanda qadınların cəmiyyət həyatının müxtəlif sahələrində fəal iştirakının təmin edilməsi xətti ümummilli lider Heydər Əliyevin adı ilə bağlıdır. Ulu öndər daim qadınların həyatın müxtəlif sahələrində rolunun yüksəldilməsinə böyük diqqət yetirmişdir. Hazırda qadınların cəmiyyətdəki rolunun yüksəldilməsinə yönəlmiş dövlət siyasəti ardıcıl surətdə davam etdirilir.
Qonaqlar Azərbaycana səfərlərindən, ölkəmizdə gördükləri inkişafdan məmnunluqlarını bildirmişlər.

Tədbirdə Türkiyənin mədəniyyət və turizm nazirinin xanımı Gülten Günay, Səudiyyə Ərəbistanının mədəniyyət nazirinin xanımı Saudi Arabia, Malayziyanın mədəniyyət, incəsənət və irs nazirinin müavininin xanımı Kim Lou Yonc iştirak etmişlər.

Xalq qəzeti.- 2008.- 3 dekabr.- S. 4.