Fransada heykəllərimiz tapıldı

Abidələr 1937-ci ildə Parisdə keçirilən müasir incəsənət və texnika sərgisinə SSRİ tərəfindən göndərilib

Fransada XVII əsrdən qalmış qəsrdə araşdırma aparan arxeoloqlar SSRİ dövrünə aid abidələr tapıblar. APA-nın məlumatına görə, zirzəmiyə atılmış çoxlu sayda 2,5-3 metrlik heykəllər və heykəl qırıqları arasında Azərbaycanla Ermənistana aid olanlar da var. Məlum olub ki, abidələr 1937-ci ildə Parisdə keçirilən müasir incəsənət və texnika sərgisinə SSRİ tərəfindən göndərilib. Sərgidən sonra isə SSRİ rəhbərliyi abidələri Fransanın CGT həmkarlar təşkilatına hədiyyə edib. Bu qurum da heykəlləri qəsrin yanında yerləşən və həmkarların istirahət etdiyi parka qoyub. İkinci Dünya Müharibəsi zamanı heykəllər dağıdılıb və zirzəmiyə atılıb.

Mərkəz.- 2008.- 8 fevral.- S. 10.