"Mozalan" studiyası beynəlxalq mükafata layiq görülüb

İspaniyada çıxan "Aktual-itad" jurnalının təsis etdiyi "Keyfiyyət və nüfuz lideri" beynəlxalq mükafatının xüsusi komitəsi bu ilki mükafatı Azərbaycanın "Mozalan" studiyasına verilməsi haqqında qərar qəbul edib. Bu barədə məlumatı AZADİNFORM-a Mədəniyyət və Turizm Nazirliyi mətbuat katibliyindən veriblər.

Beynəlxalq mükafatın təqdimetmə mərasimi gələn ay Yunanıstanın paytaxtı Afinada keçiriləcək.

Qeyd edək ki, ötən il "Mozalan" studiyasına bədii rəhbər təyin olunan Orxan Fikrətoğlu qarşısına kinojurnalın keçmiş nüfuzunu qaytarmaq, bu günkü tamaşaçının marağını cəlb edə bilən yeni jurnal yaratmaq məqsədi qoymuşdu. Bu yaxınlarda yeni buraxılışlar televiziya kanallarının birində tamaşaçılara təqdim ediləcək.

Paritet.- 2008.- 26-27 fevral.- S. 13.