Fevralın 22-də Varşavanın mərkəzindəki
“Luna” kinoteatrında tanınmış Azərbaycan
kinorejissoru Eldar Quliyevin “Girov” filminin təqdimatı olmuşdur.
Azərbaycanın Polşadakı səfirliyindən
verilən məlumata görə, Dağlıq Qarabağ münaqişəsinin
Azərbaycan xalqının
həyatındakı faciəli
nəticələrini əks
etdirən film polyak tamaşaçılarının
böyük marağına
səbəb olmuşdur.
Azərbaycan səfiri Vilayət
Quliyev təqdimat mərasimində 20 il bundan əvvəl Ermənistanın Azərbaycana
haqsız ərazi iddiaları ilə başlanan Dağlıq Qarabağ münaqişəsi,
onun ölkəmizə
vurduğu dəhşətli
maddi və mənəvi zərbələr,
ötən əsrin qəddar aktlarından olan Xocalı soyqırımı haqqında
ətraflı məlumat
vermişdir.
Kinoteatrın foyesində
Heydər Əliyev Fondunun Xocalı soyqırımı haqqında
hazırladığı sənəd
və materiallardan ibarət böyük sərgi təşkil olunmuşdur.
Matrın 7-də “Girov” filmi və
sərgi Polşanın
mühüm mədəniyyət
mərkəzlərindən olan Krakov şəhərində
nümayiş etdiriləcəkdir
Xalq qəzeti.- 2008.- 24 fevral.- S. 2.