"Səhra gülü" təqdim olundu

Dünən Müasir İncəsənət Mərkəzində "Çex qızının məhəbbəti" poeması əsasında hazırlanmış "Səhra gülü" sənədli filminin təqdimatı keçirilib. APA-nın məlumatına görə, filmin quruluşçu rejissoru və ssenari müəllifi Tahir Əliyev, operatoru Müslüm Qasımov, redaktoru Qulu Məhərrəmlidir.

II Dünya Müharibəsinə həsr olunmuş filmdə çex qızın azərbaycanlı əsgərlə məhəbbətindən söhbət açılıb. Erika Hamper adlı çex qız 18 yaşında Azərbaycana gəlib və burada II Dünya Müharibəsində görmə qabiliyyətini itirən azərbaycanlı əsgər Əhəd Əliyevlə tanış olub. Bir-birilərini sevən gənclər evləniblər və üç övladları dünyaya gəlib. Onların oğlu Səyyad Əliyev I Qarabağ müharibəsində - 1992-ci ildə şəhid olub. Hazırda Naxçıvanda yaşayan 82 yaşlı Erika Hamper Azərbaycanı özünə vətən saydığını bildirib.

Qeyd.edək ki, çex dilinə tərclimə olunan film Çexiya və Polşada da nümayiş olunacaq.

Ekspress.- 2008.- 13 fevral.- S. 10.