Quliyeva Z.
Əməkdar
incəsənət xadimi, Prezident
təqaüdçüsü, bəstəkar Elza
İbrahimovanın anadan olmasının 70 illiyi
münasibətilə Muğam Teatrında gecə keçirildi.
Mərasimi giriş sözü ilə teatrın direktoru Arif Qazıyev açaraq Elza İbrahimovanın Azərbaycan
müsiqi mədəniyyətinin
inkişafındakı xidmətlərindən
danışdı.
Musiqişünas Lalə
Əliyeva bəstəkarın
həyat və yaradıcılığı haqqında
geniş məruzə
etdi. Azərbaycan Bəstəkarlar İttifaqı
İdarə Heyətinin
sədri Firəngiz Əlizadə yubilyarı təbrik edərək ona rəhbərlik etdiyi qurumun təşəkkürünü çatdırdı. Bəstəkarlardan
Şəfiqə Axundova,
Faiq Sücəddinov, Ruhəngiz Qasımova və başqaları çıxış edərək
Elza İbrahimovanın
yaradıcılıq məziyyətlərindən söz
açdılar. Müğənnilərdən
Elxan Əhədzadə,
Zaur Rzayev, Mətanət İsgəndərli,
Cavanşir Məmmədov,
Firuzə İbadova və başqaları bəstəkarın mahnılarını
ifa etdilər.
Azərbaycan.- 2008.- 1 fevral.- S. 7.