Elnur Hüseynovla Samir Cavadzadə Avropa turnesinə çıxıb

Bu il Belqradda keçiriləcək "Eurovision-2008" yarışmasında Azərbaycanı təmsil edən Elnur Hüseynovla Samir Cavadzadə Yunanıstanda və Ukraynada konsert veriblər.
Onlar final gecəsində hər kəs tərəfindən bəyənilən və finala vəsiqə qazanan "Day after day" mahnısını orada səsləndiriblər. Eyni zamanda final günü onları dəstəkləməyə gələn Ruslana ilə də görüşüblər. Bu barədə məlumatı mətbuata İctimai Televiziya və Radio Verilişləri Şirkətinin musiqi redaktoru Leyla Əliyeva bildirib.
Onun sözlərinə görə, təmsilçilər digər ölkələrə də dəvət alıblar. Lakin onların növbəti səfəri Bosniya və Herseqoviniya olacaq.
Qeyd edək ki, Elnur Hüseynovla Samir Cavadzadənin Avropa turnesi martın 4-dək davam edəcək.

Üç nöqtə.- 2008.- 27 fevral.- S. 13.