Bakıda İran kino həftəsi

Dünən Azərbaycan kinoteatrında açılış mərasimi keçirilib

Dünən Azərbaycan kinoteatrında İran kino həftəsinin açılış mərasimi keçirilib. APA-nın məlumatına görə, tədbirdə çıxış edən İran Azərbaycandakı səfirliyinin Mədəniyyət Mərkəzinin sədri Seyyid Əliəkbər Ocaqnejad kino həftəsinin fevralın 22- kimi davam edəcəyini deyib. Bu müddət ərzində beş İran filminin nümayiş olunacağını qeyd edən mərkəz sədri, göstərilən filmlərin olduqca böyük maraq doğuracağına inandığını vurğulayıb. Açılış mərasimində rejissor Məcid Məcidinin Asiman uşaqları filmi nümayiş etdirilib. Bakıda İran kino həftəsi çərçivəsində Azərbaycan kinoteatrında fevralın 19-da Kamal Təbrizinin Şeyda, fevralın 20- Əzizulla Həmidnejadın Soyuğun göz yaşları, fevralın 21- Müctəba Rain Pərvanənin ad günü, fevralın 22- Məcid Məcidin Yağış filmlərinin nümayişi nəzərdə tutulur.

Yeni Azərbaycan.- 2008.- 19 fevral.- S. 8.