Azərbaycan Prezidentinin tapşırığı ilə Əjdərbəy məscidi əsaslı təmir olunur

 

Ölkəmizdə dinimənəvi dəyərlərə xüsusi qayğı dövlət başçısının diqqət mərkəzindədir. Son illər dini məbədlərin, ziyarətgahların bərpası və yenidən qurulması buna bariz nümunədir.

Paytaxtdakı Əjdərbəy məscidinin təmirinə ötən ilin aprelində başlanılmışdır. Əsaslı təmir və yenidənqurma işlərində müasir texnologiyalardan istifadə olunsa da, ibadətgahın əvvəlki görkəmi və tarixi abidə olması diqqət mərkəzində saxlanılır.

Məsciddə aparılan ikimərhələli işlərin birinci hissəsi bu ilin iyununda yekunlaşmışdır. Yenidənqurma işləri aparılarkən məscidin ilkin görkəmi saxlanılmaqla ziyarətçilərin mövsümə uyğun olaraq burada rahat ibadət edə bilməsi üçün ərazidə əndərun deyilən daxili həyət inşa olunmuşdur. Burada eyni vaxtda 1000ə qədər insan ibadət edə biləcəkdir.
Ərazidə qurbangah, namazgah və digər yardımçı otaqlar da tikilir. Məscidin dəstəmazxana və yuyaqları yerin altında olacaqdır. Hazırda məscidin tavan və divarları ilkin memarlıq xüsusiyyəti saxlanmaqla QuraniKərimdən ayələr, yazınaxışlar və dini rəmzlərlə bəzədilir, qapıpəncərələr yeniləri ilə əvəzlənir. Əraziyə şərq ornamenti ilə hasar çəkilir. İbadətgahın işıqlandırma və istilik sisteminin yenidən qurulması nəzərdə tutulmuşdur.
Məscid ərazisində yeraltı avtomobil dayanacaqları, ziyarətçilərin rahat hərəkəti üçün yeraltı keçidlər, həmin ərazinin üstündə isə yığıncaq otaqları inşa olunacaqdır.
Qeyd edək ki, Əjdərbəy məscidində təmirbərpa və yenidənqurma işləri prezident İlham Əliyevin tapşırığına əsasən aparılır.

 

Respublika.- 2008.- 17 iyul.- S. 2.