Tovuzda tarixi abidələr köçürülür

Tovuzun Qazıqulu kəndində aşkarlanmış nekropolda - qədim qəbristanlıqda arxeoloji araşdırma işləri aparılır. 2 hektara yaxın ərazini əhatə edən nekropolda qazıntılar AMEA-nın Arxeologiya və Etnoqrafiya İnstitunun ekspedisiyası tərəfindən həyata keçirilir.

Ekspedisiyanın rəhbəri Şamil Nəcəfovun sözlərinə görə, eramızdan əvvəl II-I minilliyə aid olan qəbristanlıqda indiyədək 10 insan skeleti və xeyli sayda xırda sümüklər, məişət qabları, xəncər və ox ucluqları, eləcə də tunc və muncuqdan hazırlanmış bəzək əşyaları (üzük, qolbagı, boyunbagı) tapılıb. Qeyd edək ki, bu ərazi uzun müddət yerli əhali tərəfindən əkin sahəsi kimi istismar edildiyindən qəbirlərin yerüstü əlamətləri itib. Bundan başqa, ötən əsrin 80-ci illərinin sonunda süni yolla salınmış Xunan çayının arxeoloji araşdırma ərazisindən keçməsi də müəyyən problemlər yaradıb. Şamil Nəcəfovun sözlərinə görə, arxeoloji işlərə xərclənən vəsait bu ərazidə "Tovuzçay" su anbarını inşa edəcək "Azərsu" SC tərəfindən ödənilir: "Su anbarı ərazisinə düşən tarixi abidələrin xilasetmə işləri çərçivəsində nekropoldan 300 metr uzaqlıqda yerləşən 200 yaşlı qəbristanlıqdakı 65 məzarın və iki türbənin də köçürülməsi nəzərdə tutulub.

Zaman.- 2008.- 17-18 iyul.- S. 9.