Şəkidə həvəskar
rəssamların və tətbiqi sənət ustalarının
zona sərgisi keçirilmişdir
Mədəniyyət
və Turizm Nazirliyinin Mədəniyyətşünaslıq
üzrə Elmi-Metodiki Mərkəzi və Rəssamlar
İttifaqı ümummilli lider Heydər Əliyevin 85 illik
yubileyi münasibətilə Şəkidə həvəskar
rəssamların, tətbiqi sənət ustalarının zona
baxış-müsabiqə sərgisini keçirmişlər.
Sərgidə
Balakən, Zaqatala, Qax, Şəki, Oğuz, Qəbələ,
İsmayıllı, Ağsu, Şamaxı, Qobustan
sənətkarlarının rəngkarlıq, sulu boya, qrafika,
heykəltəraşlıq, xalçaçılıq, dulusçuluq,
daş və ağac üzərində bədii oyma, musiqi alətləri,
misgərlik, bədii tikmə və digər janrlar üzrə
bir neçə yüz əsəri nümayiş etdirilmişdir.
Müsabiqədə
fərqlənən müəlliflərə
Mədəniyyət və Turizm Nazirliyinin fəxri fərmanları
təqdim olunmuşdur. Münsiflər heyətinin müəyyənləşdirdiyi
ən yaxşı əsərlər
baxış-müsabiqənin respublika turu üçün
seçiləcəkdir.
Belə sərgilər
respublikanın daha 7 zonasında keçiriləcəkdir. Yekun
turu 2008-ci ilin sonlarında Bakı şəhərində
olacaqdır.
Azərbaycan.- 2008.- 18 iyul.- S. 4.