Turkiyədə azərbaycanlı rəssamın kitabı nəşr olunub

Türkiyənin Çanaqqala şəhərindəki 18 Mart Universitetinin müəllimi Vahid Novruzovun yeni kitabı çapdan çıxıb. Kitaba onun yağlı boya, sulu boya və pastel əsərlərinin reproduksiyaları daxil edilib. Bu, V. Novruzovun Türkiyədə yaşayıb-yaratdığı 8 illik dövrün hesabatıdır.
Qeyd edək ki, 1964-cü ildə Tovuz rayonunda anadan olan Vahid Novruzov Ə. Əzimzadə adına Rəssamlıq Məktəbini və İncəsənət Akademiyasını bitirib. 2000-ci ildə Türkiyə tərəfinin dəvəti ilə 18 Mart Universitetində işləməyə gedib. İndiyə qədər Türkiyənin müxtəlif şəhərlərində və Avropada fərdi sərgilər açıb, qrup sərgilərdə iştirak edib. 

Zaman.- 2008.- 3-4 iyul.- S. 9.