Burda bir qəhrəman dönüb heykələ

Azərbaycanın ərazi bütövlüyü uğrunda şəhid olmuş Vüqar Əsədovun xatirəsinə ucaldılan abidə qəhrəmanlara bəslənilən ümumxalq məhəbbətinin təcəssümüdür
Torpaqlarımızın ərazi bütövlüyü uğrunda son nəfəsinədək döyüşüb qəhrəmancasına həlak olmuş Vətən övladlarının müqəddəs xatirəsinin əbədiləşdirilməsi işinə Dövlət Neft Şirkəti də (ARDNŞ) öz töhfələrini bəxş etməkdədir.
Bu cür layihələrin davamı olaraq Qaradağ rayonunda yerləşən, şəhid Vüqar Əsədovun adını daşıyan uşaq bağçasının ərazisində bu qəhrəman döyüşçünün büstü ucaldılıb. Büstün açılışına həsr olunmuş dünənki mərasimə Qaradağ rayon ictimaiyyətinin nümayəndələri ilə yanaşı, ARDNŞ Qaradağ rayon İcra Hakimiyyəti rəhbərliyinin rəsmiləri qatılmışdılar.
Büstün üzərindəki örpək götürüldükdən sonra tədbir iştirakçıları ölməz qəhrəman Vüqar Əsədovun müqəddəs xatirəsini bir dəqiqəlik sükutla yad etdilər. Sonra bağçada tərbiyə alan uşaqların ifasında şəhidlərimizin şücaətini vətənpərvərliyini tərənnüm edən şeir parçaları səsləndi:
Burda bir qəhrəman dönüb heykələ,
Odlu cəbhələrin içindən keçib.
Vətənə göz dikən yağı düşməni
Bu Vətən övladı tarimar edib.
Orda bir igidlik, bir əbədiyyət,
Burda bir gözəllik, ağıl yaşayır,
Torpağın üstündə heykəl-qəhrəman,
Ana ürəyində oğul yaşayır!
Mərasimdə çıxış edən ARDNŞ-in Sosial İnkişaf İdarəsinin (Sİİ) rəis müavini Vasif İmanov Vətən uğrunda canından keçmiş oğul qızlarımızın xatirəsinin dövlət tərəfindən daim əziz tutulduğunu, respublikamızın müxtəlif guşələrində onların şərəfinə büst, heykəl xatirə kompleksləri ucaldıldığını vurğuladı. Bildirdi ki, bu müqəddəs şərəfli missiya hər bir kəsdə vətənpərvərlik hisslərini artırmaqla bərabər, xalqımızın öz qəhrəmanlarına necə məhəbbətlə yanaşdığını sübut edir: ARDNŞ-in maliyyə vəsaiti hesabına uşaq bağçasında ucaldılan bu əzəmətli büst Qaradağ rayonunda doğulub boya-başa çatmış, könüllü şəkildə işğalçı ermənilərlə savaşa yollanmış şəhid Vüqar Əsədovun xatirəsini əbədi yaşadacaq.
Qaradağ rayon İcra Hakimiyyəti başçısının
müavini Zemfira Şıxəliyeva, İcra Hakimiyyətinin digər nümayəndələri Vaqif Həsənov Ağəli Əhmədov, Sİİ-nin Təlim, Tədris Sertifikatlaşdırma Departamentinin direktor müavini Dünyamalı Pənahov da öz çıxışlarında dövlətimizin xalqımızın Vüqar Əsədov kimi düşmənə boyun əyməyən igidlərin xatirəsini əziz tutduqlarını belə insanların öz əməlləri sayəsində əbədiyaşarlıq haqqı qazandıqlarını qeyd etdilər. Qaradağ rayon Şəhid Anaları Cəmiyyətinin nümayəndəsi Pakizə Abbasova övlad itkisinin hər bir valideyn üçün dözülməz dərd olduğunu, lakin Vüqarın ata-anasının dərdə boyun əymədiklərini söylədi:Onlar övladlarının öz canlarını Vətən yolunda qurban verməsindən təsəlli tapır, bilirlər ki, ciyərparaları ölməzliyə qovuşub. Onu bugünkü nəsillər kimi, gələcək nəsillər əsl qəhrəman kimi yad edəcək, büstü önünə gül-çiçəklər düzəcək, cəsurluğundan söz açacaqlar...
Şəhidin anası, 106 saylı orta məktəbin müəlliməsi Alimə Əsədova övladın
ın xatirəsinin əbədiləşdirilməsinə görə dövlət başçısına, ARDNŞ Qaradağ rayon İH rəhbərliyinə öz ailəsi adından minnətdarlığını bildirdi: Mənim balam azğın ermənilərə qarşı vuruşaraq həlak oldu. Onun ən böyük arzusu torpaqlarımızın bütünlüklə düşmənlərdən azad olunması idi. Mən inanıram ki, çox yaxın bir müddətdə Vüqarın bu arzusu yerinə yetəcək, ölkə Prezidenti cənab İlham Əliyevin apardığı siyasət nəticəsində ərazilərimiz geri alınacaq!
Mərasim şəhidin adını daşıyan uşaq bağçasında onun xatirəsinə həsr olunan bədii proqramla davam etdirildi.
Məlumat üçün bildirək ki, Vüqar Habil oğlu Əsədov 1974-cü il iyun ayının 29-da Qaradağ rayonu, Lökbatan qəsəbəsində anadan olub. Orta təhsilini elə bu qəsəbədəki 106 saylı orta məktəbdə alıb.
Bakı Hərbi Zabitlər məktəbində oxuyan Vüqar Əsədov 1992-ci il oktyabr ayının 15- təhsilini yarımçıq qoyaraq, Qarabağa-döyüş bölgəsinə yollanıb. 19 yaşlı gənc Füzuli rayonunda gedən ağır vuruşlarda iştirak edərək cəsarətli, hünərli, qorxmaz, mətin bir döyüşçü kimi tanınıb.
1993-cü il avqust ayının 31- Vüqar Əsədov silahdaşları ilə bərabər Füzuli rayonunun Kürdmahmudlu kəndini erməni işğalçılarından müdafiə edərkən ağır yaralanır, ermənilər onu bir neçə döyüşçü yoldaşları ilə birg
ə əsir götürür. Azərbaycanlı bir həkim çiyin nahiyəsindən iki ağır yara almış döyüşçünün üzərində cərrahiyyə əməliyyatı aparır. O ayılanda düşmənə əsir düşdüyünü bilir, bunu qüruruna sığışdırmayıb sarğılarını qoparır özünə qəsd edir. Beləliklə, şərəfli ölümü ilə müqəddəs şəhidlik zirvəsinə ucalır.

İki sahil.- 2008.- 11 iyul.- S. 6.