“Yuğ”un bu mövsümdə sonuncu tamaşası Yar oldu
"Yuğ" Dövlət
Teatrında 19-cu mövsümün
sonuncu tamaşası olan "Yar" tamaşaçıların ixtiyarına
verilib. Tamaşa Mədəniyyət
və Turizm Nazirliyinin dövlət proqramı çərçivəsində
gerçəkləşdirilməsi nəzərdə tutulan
"Mən, Məhəmməd
Füzuli ..." səhnə
divanı layihəsinin
tərkib hissəsidir.
Sözügedən layihə
əsasında səkkiz
tamaşanın hazırlanması
nəzərdə tutulub.
Bunlar "Vəsl"
"Hicr", "Rüsva",
"Rəhm", "Əfğan",
"Ya Rəbb!",
"Bəlayi eşq"
və "Yar" tamaşalarıdır. Günay
Səttarın rejissorluğu
ilə səhnəyə
qoyulan "Yar" bu teatrın 76-cı tamaşasıdır.
Musiqi dizaynı Ramiq Mehdi, səhnə
dizaynı isə Rəşid Şerifə məxsus tamaşa Fərhad İsrafilov və Gülzar Qurbanovanın ifasında nümayiş etdirilib. Tamaşadan doğan əsas məna "Yar" yolunda ölmək və "Ölüm"ə qalib gəlməkdir. Burada sevginin, istedadlarının tükəndiyini
duyan yaradıcı insanlar könüllü olaraq edam kürsüsünün
ətrafına toplaşırlar.
Lakin
"can şirindir"
prinsipi və bu canda olan
ölüm qorxusu, həyəcan onları müxtəlif bəhanələrlə
öz qərarlarından
daşındırır. Ölüm
kürsüsünün ətrafında
yalnız "mən qərarımda möhkəməm"
fikrini dilə gətirən Fərhad və Gülzar qalır. Canlarını qorxu və həyəcan
bürüməsinə baxmayaraq,
onlar öz qərarlarını təsdiqləyirlər.
Ancaq burada Tanrının onlara rəhmi gəlir. Aydın olur ki, əslində onların istedadı tükənməyib və
hələ də yaradıcı insan kimi var olmalı,
yaşayıb-yaratmalıdırlar.
Fərhad və Gülzarın
bu qələbəsindən
ruhlanan digər "könüllülər" də
sonda kürsü ətrafında toplaşaraq
həmin "Ölüm"
ipindən cansız müqəvva asır və beləliklə, ölüm üzərində
qələbə çalırlar.
Maraqlı, baxımlı bir tərzdə tamaşaçılara
təqdim olunan əsərin müəllifi
öz fikirlərini belə ifadə etdi: "Füzuli yaradıcılığında "can vermək", yara yetmək, fədakarlıq etmək, özünü unudub sevgiyə pərəstiş
etmək intensiyası
məni hər zaman maraqlandırıb. Mən bundan faydalanaraq, "Yar" candır... eşqdir... həyatdır... fikrini qəbul edirəm. Yar yolunda fədakarlığı
"Ölüm"ə
qalib gəlmək kimi qiymətləndirirəm".
525-ci qəzet.- 2008.- 3 iyul.- S. 7.