Tofiq Ş.

 

Aqşin Əlizadənin УÜmid valsıФ

 

Başa çatmaqda olan teatr mövsümünün son günlərində Akademik Opera və Balet Teatrının yaradıcı kollektivi öz tamaşaçılarına yeni səhnə əsəri təqdim etmişdir. Azərbaycanın xalq artisti, dövlət mükafatı laureatı, professor Aqşin Əlizadənin "Ümid valsı" baletinin premyerası keçirilmişdir.

Bəstəkarın bu yeni balet əsərində XX əsrin əvvəllərində Bakıda mövcud olan mürəkkəb ictimai-siyasi qurum, həyatın keşməkeşləri fonunda iki gəncin - Elmurad və Səlminazın məhəbbəti, onların öz sevgilərini qorumaq uğrunda mübarizəsi və gələcəyə nikbin baxışlarından bəhs edir. Əsərin önəmli cəhətlərindən biri də ilk dəfə məşhur azərbaycanlı xeyriyyəçi Hacı Zeynalabdin Tağıyev obrazının yaradılmasıdır.

Baletin müəllifi və artıq bu teatrın səhnəsində üçüncü əsərini izləyən xalq artisti Aqşin Əlizadə bir tamaşaçı kimi əsərdən razı qaldığını qeyd edir. Tamaşanın quruluşçu baletmeysteri uzun illərdən bəri Azərbaycanda yaşayıb-yaradan albaniyalı xoreoqraf Rulumb Aqiliudir. O, .indiyədək Opera və Balet Teatrının səhnəsində iki tamaşaya quruluş vermişdir.

45 dəqiqəlik "Ümid valsı" baletinin dirijoru xalq artisti Cavanşir Cəfərov, rəssamı Tahir Tahirovdur. Əsas rolları respublikanın əməkdar artistləri Kamilla Hüseynova və İslam İslamov ifa etmişlər. Hacı Zeynalabdin Tağıyev obrazını yaratmağı isə Rüfət Şəfiyev öz üzərinə götürmüşdür.

Teatrdan daha bir xoş xəbər. Teatr Münhen sənət festivalına dəvət olunmuşdur. Münhen Opera sənət festivalının baş direktoru Lüdviq Bauman teatrın solisti, əməkdar artist Əvəz Abdullayev layihəyə dəvət edib. Teatrın mətbuat xidmətindən bildirmişlər ki teatrın orkestri ikinci dəfə bu festivalda iştirak edir. Avqustun 4-nə kimi davam edəcək səfər çərçivəsində orkestr C.Verdinin "Traviata", "Riqoletto" "Trubadur" operalarının tamaşalarını idarə edəcək. Avqustun 3-də isə "Qrand-final" adlı konsertdə çıxış edəcəkdir.

Ə.Abdullayev "Riqoletto" operasında Riqoletto partiyasını ifa etməklə yanaşı, final konsertində bir sıra klassik dünya bəstəkarlarının, eləcə Ü.Hacıbəyovun, Q.Qarayevin F.Əmirovun əsərlərini səsləndirəcəkdir. Almaniyada keçirilən bu festivalda Avropa Latın Amerikasının müxtəlif ölkələrindən, ABŞ Yaponiyadan olan dirijor vokalçıların iştirakı nəzərdə tutulur.

 

Bakı.- 2008.- 18-24 iyul.- S. 4.