“Excelsior Hotel Baku” açıq hovuzunun yay mövsümü

"Excelsior Hotel Baku" hoteli açıq hovuzun yay mövsümünu açıq elan edib. Bu isti yay günlərində uzağa gedərək dincəlmək imkanı olmayanlar üçün gözəl imkan olacaqdır. Hotel şəhərin mərkəzində olmasına baxmayaraq, yerləşdiyi ərazi mənzərəli və sakitdir. Hotelin universal imkanlarından istifadə etməklə burada lazımınca dincəlmək olar. Açıq hovuz böyüklərin və kiçiklərin istifadəsinə verilib. İstirahət edənlər hotelin müasir restoranlarında milli və beynəlxalq mətbəxin ləziz yeməklərindən dada bilərlər. Ən müasir təlim avadanlıqları ilə təchiz olunmuş sağlamlıq mərkəzinin yüksək texnologiyalı gimnastika və aerobika zalı, stolüstü tennis və skvoş kortları, spa, sauna, buxar və istirahət otaqları qonaqların hər cür istəyini qarşılamaq gücündədir. Açıq hovuzun kənarında böyüklərlə yanaşı azyaşlı uşaqların da yaxşı istirahət etmələri üçün hər cür şərait yaradılıb.

Azərbaycan.- 2008.- 10 iyun.- S. 8.