Niftəliyev E.

 

Berlində ümummilli liderHeydər Əliyevin 85 illik yubileyinə həsr olunmuş sərgi açılmışdır

 

Azərbaycanın Almaniyadakı səfirliyindən bildirmişlər ki, Berlin şəhərindəki Berlin-Bakı Qalereyasında (GBB) ümummilli lider Heydər Əliyevin 85 illik yubileyi münasibətilə azərbaycanlı rəssam və memarların əsərlərindən ibarət sərgi açılmışdır. Sərgi Azərbaycanın Almaniyadakı səfiri Pərviz Şahbazovun Almaniyanın Azərbaycandakı səfiri Per Kristofer Stançinanın himayədarlığı ilə keçirilir.
Sərgidə Azərbaycan Dövlət Rəssamlıq Akademiyasının rektoru, akademik Ömər Eldarovun rəhbərliyi ilə akademiya müəllimlərinin boyakarlıq, qrafika memarlıq janrlarında 30-dək əsəri nümayiş etdirilir.
İki ay davam edəcək sərgini GBB-nin direktoru İbrahim Əhrari açmışdır.
Səfir P.Şahbazov çıxış edərək ümummilli lider Heydər Əliyevin Azərbaycan mədəniyyət incəsənətinə göstərdiyi qayğıdan, Azərbaycan Almaniya arasında mədəniyyət sahəsində münasibətlərin inkişafından danışmışdır.
AFR Xarici İşlər Nazirliyi mədəniyyət bölməsinin rəhbəri Volfqanq Dik türk dilində çıxış edərək, bu sərgini Azərbaycan mədəniyyətinin Almaniyada təbliği sahəsində növbəti uğur kimi səciyyələndirmişdir. O, ümumilikdə Almaniyada Azərbaycan İli-2008" mədəniyyət proqramı çərçivəsində təşkil edilən tədbirlərin iki ölkə arasında münasibətlərin daha da yaxınlaşmasına töhfə verəcəyini vurğulamışdır.
Sonra Rəssamlıq Akademiyasının rektoru Ömər Eldarov prorektor Səlhab Məmmədov çıxış edərək akademiyanın 15-dən çox müəlliminin işinin Berlində təqdim edilməsini yüksək dəyərləndirərək, GBB rəhbərliyinə, səfirliyə sponsorlara minnətdarlıqlarını bildirmişlər.
Berlin-Bakı Qalereyası ötən il noyabrın 18- açılmışdır. İdeyanın təşəbbüskarları berlinli rəssam dizayner İbrahim Əhrari bakılı incəsənət xadimi Emin Məmmədovdur. Qalereyanın məqsədi almaniyalı azərbaycanlı rəssamların, heykəltəraşların digər incəsənət nümayəndələrinin əsərlərindən ibarət sərgilərin təşkili iki xalq arasında mədəni münasibətlərin daha da intensivləşməsinə dəstək göstərməkdir.
Almaniyada Azərbaycan İli çərçivəsində Azərbaycan mədəniyyət incəsənətinin avropalılara tanıdılması məqsədi ilə tədbirlərin keçirilməsi davam edir.

Xalq qəzeti.- 2008.- 8 iyun.- S. 2.