“Qurtuluş savaşında azərbaycanlılar” adlı film çəkilib

Türkiyənin 1919-1922-ci illərdə işğaldan azad edilməsi üçün apardığı istiqlal savaşı zamanı Azərbaycandan bu ölkəyə göstərilən yardımlara həsr olunmuş 3 hissəli sənədli film çəkilib. İki ilə çəkilən "Qurtuluş savaşında azərbaycanlılar" adlı filmin montajı tamamlanıb. Rejissorları Əbdülhəmid Avşar və Figən Baranoğlu olan filmin çəkilişləri həm Azərbaycanda, həm Türkiyədə aparılıb, çəkilişlər zamanı iki ölkənin arxivləri araşdırılıb. Birinci hissədə istiqlal savaşından əvvəl Balkan savaşlarında Türkiyə-Azərbaycan həmrəyliyi, ikinci hissədə Azərbaycan Xalq Cümhuriyyəti dövründə itö ölkə arasında əlaqələr, üçüncü hissədə Azərbaycanda şura hökuməti dövründə iki ölkə arasında münasibətlərə yer verilib. Filmin bu ilin sentyabrında TRT kanallarında yayımlanması nəzərdə tutulub.

Səs.- 2008.- 7 iyun.- S. 12.