Mükərrəmoğlu M.

“Hökmdarın taleyi” “Şərq-Qərb kinofestivalında nümayiş etdirildi

Dünən “Azərbaycan” kinoteatrında “Şərq-Qərb” kinofestivalının bağlanış mərasimi oldu. Bağlanışdan əvvəl yeni Azərbaycan filmi olan “Hökmdarın taleyi” nümayiş etdirildi. Sonra işə “Aleksandr Nevski döyüşü” Rusiya filmi göstərildi. Hər iki film tarixi mövzuda çəkilmiş kino əsərləridir.
İlyas Əfəndiyevin “Hökmdar və qızı” pyesinin motivləri əsasında Elçinin yazdığı ssenari üzrə çəkilən “Hökmdarın taleyi” filminin süjet xəttini XVIII əsrin sonu — XIX əsrin əvvəllərində Qarabağ xanlığında baş vermiş hadisələr təşkil edir.
Fətəli Şah İranın təzyiqi altında bölünməkdə olan Azərbaycan xanlıqlarını birləşdirməyə çalışır. O, xanlıqların bu çətin parçalanma dövründə vahid Azərbaycan dövlətini yaratmağa cəhd edir. Hökmdar I Aleksandr Rusiyanın Cənubi Qafqazdakı qoşunlarını gücləndirir.
İbrahim xan Qarabağın müstəqilliyini saxlamaq üçün fədakarlıqla faciəvi qərar qəbul edir, öz qızının Fətəli Şahla evlənməsinə razılıq verir. Eyni zamanda İbrahim xan Kürəkçay müqaviləsini bağlamaqla Qarabağ xanlığını Rusiya imperiyasının əsarəti altına keçirir. Film çox maraqlı döyüş epizodları ilə zəngindir.
Ftlmə R. Fətəliyev və F. Dilşad quruluş vermişlər. Baş rollarda Fəxrəddin Manafov, Günəş Əliyeva, Danil Spibakovski, Aleksandr Qalibin çəkilmişlər. Film Azərbaycan Respublikası Mədəniyyət və Turizm Nazirliyi ilə “A. S. V. A Profil Studiya XXI” Prodüserlər mərkəzinin birgə istehsalıdır.
Rusiya kinematoqrafçılarının “Aleksandr. Nevski döyüşü” (rejissor — İqor Kalyonov) filmi həmyerlimiz, xalq yazıçısı Rüstəm İbrahimbəyovun bədii rəhbərliyi ilə çəkilmişdir.
Filmdə XIII əsrdə Novqorod knyazı Aleksandr Nevskinin həyatının çox maraqlı məqamları canlandırılır. Hər tərəfdən knyazlıq üçün təhlükələrin gözlənildiyi bir vaxtda bu gənc, cəsur, uzaqgörən və müdrik knyaz çıxış yolunu torpaqları hərbi yolla qorumaqda görür. Nevski döyüşü isə onun ən böyük hərbi yürüşü olur. Filmdə maraqlı döyüş səhnələri var.
Axşam isə festivalın bağlanış mərasimi keçirildi. Festivalın mükafatları təqdim olundu.
Beləliklə, “Şərq-Qərb” festivalı öz işini sona

Xalq qəzeti.- 2008.- 8 iyun.- S. 4.