Günay

 

Soydaşımızın-kitabı təqdim edildi

 

Ötən gün Xarici Ölkələrdə Yaşayan Azərbaycanlılarla İş üzrə Dövlət Komitəsinin təşkilatçılığı ilə Moskvada yaşayan həmyerlimiz, pianoçu respublikamızın xalq artisti, Rusiya Federasiyasının əməkdar artisti, professor Tamilla Mahmudovanın "Muzıkalnıye perekryostki" kitabının təqdimatı keçirildi.

Tədbiri giriş sözü ilə açan musiqişünas Zümrüd Dadaşzadə Tamilla Mahmudovanı Azərbaycan musiqisini ölkədən kənarda təbliğ edən layiqli təmsilçi adlandırdı. Z.Dadaşzadə Tamilla xanımın gözəl natiq və maraqlı yazılarla daima mətbuatda çıxış edən yazar olduğunu tədbir iştirakçılarına çatdırdı: “T.Mahmudovanın yazmağa başlaması təsadufü deyil, burda genlərin çox böyük rolu var. Tamilla xanımın əmisi görkəmli yazıçı Sabit Rəhmandır. Bu faktın özü çox şey deyir.”

O Tamilla xanımın görkəmli musiqiçilər və öz vətəni haqqında yazdığı məqalələrinin toplandığı "Muzıkalnıye perekrystki" kitabını təqdim etmək üçün bu gün Azərbaycanda olduğunu xüsusi vurğuladı.

Bəstəkarlar İttifaqmın sədri Firəngiz Əlizadə Tamilla xanımı təbiətin bir möcüzəsi olduğunu söylədi. F.Əlizadə T.Mahmudovanı Azərbaycan mədəniyyətini xaricdə təmsil edən ən parlaq nümayəndə hesab etdiyini və onun müasir musiqiyə yüksək dəyər verdiyini xüsusi qeyd etdi.

 

Paritet.- 2008.- 26 iyun.- S. 12.