Məmmədhəsən

33 saylı uşaq musiqi məktəbiııiıı uğurları

Bakı şəhər 33 saylı uşaq musiqi məktəbində imtahanlar başlayıb. Musiqi məktəbinin direktoru Ramiz Əliyev qeyd edib ki, iyunun 6-da məktəb şagirdlərinin yekun konserti keçirilib. Konsertdə Bakı Şəhər Mədəniyyət və Turizm İdarəsinin işçiləri də iştirak ediblər. Ramiz müəllim şagirdlərin nailiyyətlərindən söhbət açıb: "Qeyd etmək lazımdır ki, 33 saylı uşaq musiqi məktəbi Nizami rayonun füsunkar yerində yerləşir. Məktəb direktor va müəllimlərin daxili imkanı hesabına təmir olunub. 33 saylı uşaq musiqi məktəbinin nəzdində Şuşa rayon Qaladərəsi uşaq musiqi məktəbi də fəaliyyət göstərir".

Biz də fürsətdən istifadə edib I sinif şagirdi Tağızadə Gülay (kanonda) imtahan verən vaxt onun xatirə şəklini çəkdik.

Tağızadə Gülayın müəllimi Hüseynova Arzu şagirdi haqqında müsbət fıkirlər söylədi. O, indiyədək yetişdirdiyi şagirdlərdən söhbət açaraq qeyd etdi ki, məktəbimizin gözəl kollektivi var. Kollektivimiz Ramiz müəllimdən çox razıdır.

Biz də öz növbəmizdə musiqi məktəbinin kollektivinə uğurlar arzulayaraq, onlarla xudahafizləşib ayrıldıq.

Azad Azərbaycan.- 2008.- 11 iyun.- S. 7.