Samirə

 

Musiqiçilərimizin zəfəri

 

Onlar moskvalıları təəccübləndirməyi bacardılar

 

Mayın ikinci ongünlüyündə Moskvada "Qara Qarayev - 90" silsiləsindən daha 2 konsert baş tutub. Konsertlərdən birində musiqi mədəniyyətimizi dirijor Rauf Abdullayev, digərində isə pianoçu Ülviyyə Hacıbəyova təqdim ediblər. Birinci konsert P.İ.Çaykovski adına Moskva Dövlət Konservatoriyasının Böyük Zalında, ikincisi isə M.İ.Qlinka adına Musiqi Mədəniyyəti Muzeyində keçirilib. Hər iki konsertdə iştirak edən dahi yubilyarın oğlu - Moskva Konservatoriyasının professoru Fərəc Qarayev "www.kultura.az" portalına müsahibəsində təəssüratlarını bölüşüb: "Azərbaycanda çox parlaq pianoçu kimi tanınan Ü.Hacıbəyova ifaçılığına xas çoxşaxəliyi Moskva auditoriyasına da nümayişlədi. Hər kəsə yaxşı məlumdur ki, Moskva mühiti Qarayevin yaradıcılığında müstəsna rol oynayıb. Ülviyyə Hacıbəyovanın təqdim etdiyi proqram tələbkar Moskva melomanları tərəfindən böyük ruh yüksəkliyi ilə qarşılandı". Təəssüf ki, belə yüksəksəviyyəli konsertin ləzzətini azaldan amil tapılıb. Heç kimə sirr deyil ki, bugünkü Moskva Avropanın ən böyük musiqi mədəniyyəti mərkəzlərindən biridir. təbii ki, buranın auditoriyasını təəccübləndirmək çox çətindir. F.Qarayev: "Ülviyyə Hacıbəyovanın adı Moskva musiqisevərlərinə, demək olar məlum deyil. Qarşılaşdığımız xoşagəlməz mənzərəni - heç yarıya qədər dolmamış zalı - müşahidə etmək istəmirdiksə, təbliğat, reklam işini vaxtında düzgün aparmalıydıq. Əvəzində isə baxın görün baş verib... Konsertin təşəbbüskarı maliyyə xərclərini təmin edən Mədəniyyət Turizm Nazirliyi ərəfədə Azərbaycanın Rusiyadakı səfirliyinə məktub göndərərək mədəniyyət işləri üzrə müşavir Nigar Axundovadan konsertöncəsi müvafiq məlumatlandırma işi aparmağı xahiş edib. Əslində, bu, səfirlik əməkdaşlarının birbaşa vəzifə borcudur. Lakin heç bir məlumatlandırma, konserti işıqlandırma işi aparılmadı, səfirliyin heç bir əməkdaşı konsertdə iştirak etmədi. Halbuki "Qara Qarayev - 90" silsiləsindən olan Vyana Kiyev konsertləri ordakı səfirliklərimizin canıyananlığı vəzifə borclarını düzgün anlamaları sayəsində çox yüksək səviyyədə keçmişdi. Eyni sözləri Macarıstanda keçirilən yubiley konsertinə aid etmək olar. Enerjili təşəbbüskar insan kimi tanınan Polad Bülbüloğlu isə bu keyfiyyətlərini yalnız özünə maddi xeyir olacaq məqamlarda işə salır". Yaxşı ki, mayın 28- - Respublika gününə təsadüf edən Moskva Konservatoriyasının Böyük Zalında baş tutan konsert kiminsə özünüreklam axtarışına tuş gəlməyib. Rauf Abdullayevin dirijorluğu altında Moskva Filarmoniyasının Akademik Simfonik Orkestrinin musiqiçiləri Debüssinin, Qriqin, Ravelin nadir hallarda ifa olunan əsərlərini təqdim ediblər. Fərəc Qarayev: "Konsertin vaxtının məhz həmin tarixə təyin edilməsi gözəl təsadüflər sırasından olan hadisələrdən idi. bunun sayəsində moskvalılar bu möhtəşəm bayram günündə bir daha əmin oldular ki, Azərbaycan müstəsna istedad bacarığa malik musiqiçilərlə zəngindir! Rauf Abdullayev doğrudan da zalı sehrləyə bilmişdi. Daha çox Avstriya - Almaniya simfonizminin tərəfdarlarından olan bu gözəl dirijor Debüssinin əsərinin ifasından sonra alqış atəşinə tutuldu, Qriqin əsərinin ifasından sonra isə onu solist Gindinlə birlikdə dönə-dönə səhnəyə çağırdılar. Konsertin ikinci hissəsini isə bütünlüklə Azərbaycan dirijorunun zəfəri adlandırmaq olar. Çünki burda Debüssinin Ravelin son dərəcə zərif səs çalarlarına köklənmiş bəstələri dirijor tərəfindən böyük ustalıqla idarə olunaraq dinləyiciyə dəqiq çatdırılırdı. Zərif "pianissimo"dan tutmuş möhtəşəm nikbin "fortissimo"yadək. Orkestr bütünlüklə dirijora tabe olduğundan səhnədə elə bir atmosfer bərqərar olmuşdu ki, bu, yalnız əsl ifaçılıq olan yerdə baş verir. Dinləyicilər bunca ustalığı qiymətləndirməyi bacardılar".

 

Həftə içi.- 2008.- 7-9 iyun.- S. 8.