Samirə

 

УMusiqi beşiyiФndə ilk çıxış böyük uğur

 

Pianoçularımız italyanlarla rusları geridə qoyublar

 

Bakı Musiqi Akademiyasının dosenti, sənətşünaslıq elmləri namizədi, Azərbaycan Dövlət Fortepiano Triosunun solisti Nərgiz Əliyarova mayın 28-dən iyunun 1-dək İtaliyanın Cora del Kolle şəhərində keçirilən Pyetro Arcento adına 11-ci beynəlxalq müsabiqənin laureatı adına layiq görülüb. BMA-nın daha bir dosenti Kəmalə Neymanova ilə birlikdə N.Əliyarova müsabiqənin "Kamera ansamblı" kateqoriyasında çıxış edib. Ölkə xaricində ilk dəfə, həm belə nüfuzlu müsabiqədə çıxış edən musiqiçilərimiz istedad səyləri sayəsində 2-ci yerə layiq görülüblər onlara diplomla birlikdə gümüş medal təqdim edilib. İfaçılarımız böyük bir məktəbə malik olan İtaliya Rusiya musiqiçilərini arxada qoyublar, 1-ci yerə çıxan yunan duetindən isə yalnız 1 xal geriləyiblər. Münsiflər heyəti isə 6 italiyalı, 1 rusiyalı, 1 koreyalı musiqiçidən ibarət olub. N.Əliyarova: "Avropada keçirilən musiqi müsabiqəsində qalib gəlmək o qədər asan deyil. Avropalı dinləyici çox zərif duyma qabiliyyəti, səhih seçmək bacarığı, gözəl zövqü ilə seçilir. Buna görə belə ciddi münsiflərin diqqətini cəlb etmək heç asan məsələ deyil. Biz Kəmalə xanımla birlikdə Mosartın, Şopenin, Bramsın Arif Məlikovun əsərlərini ifa etdik. Maraqlıdır ki, ifadan öncə münsiflər heyətinin üzvləri bəstələrin notları ilə tanış olub onları yenidən ifaçılara qaytarırdılar. Bizə yalnız Arif Məlikovun "Skertso"sunun notlarını qaytarmadılar. Söylədilər ki, bu əsəri çox bəyəniblər, buna görə notlarını özlərində saxlamağa qərar veriblər..." Qeyd edək ki, avropalı mütəxəssislərin musiqimizə böyük maraq göstərməsinə aid daha bir fakt bir az öncə baş vermişdi. Mayın 18- Parisdə, Senatın binasında keçirilən mərhum ölkə başçısı Heydər Əliyevin 85 illik yubileyinə həsr edilmiş konsertdə Nərgiz xanım da iştirak edib Üzeyir Hacıbəylinin, Fikrət Əmirovun, Qara Qarayevin, Arif Məlikovun, Firəngiz Əlizadənin, Aqşin Əlizadənin, Vaqif Mustafazadənin digər musiqiçilərimizin əsərlərini ifa edib. Avropa bəstəkarlarından isə proqrama yalnız Şopenin "Vals"ı "Noktürn"ü daxil edilmişdi. Konsertdən sonra baş tutan müzakirələr zamanı Nərgiz xanım fransız dilini bilməsi ilə diqqəti cəlb edib. Fransalı pianoçu İzabel de Ku isə bəstəkarlarımızın əsərlərinin not yazılarını özünə götürməyi xahiş edib onları repertuarına daxil etmək fikrində olduğunu deyib. Dosye: Nərgiz Əliyarova Bülbül adına orta ixtisas musiqi məktəbini "qızıl" medalla bitirdikdən sonra Ü.Hacıbəyli adına Azərbaycan Dövlət Konservatoriyasında (indiki Bakı Musiqi Akademiyası) Elmira Səfərovanın sinfində təhsil alıb. Ali məktəb tələbəsi ikən o, 3 il müddətində Lenin təqaüdü alan fəxri tələbələr sırasında olub. Konservatoriyanı bitirdikdən sonra kamera ansamblı kafedrasında dərs deməyə başlayan N.Əliyarova xüsusi fortepiano kafedrasında assistent-stajor kursunu keçib, 2001-ci ildə isə namizədlik dissertasiyasını müdafiə edib. 2002-ci ildən o, Azərbaycan Dövlət Fortepiano Triosunun solistidir. Bu kollektiv Almaniya Türkiyə musiqisevərləri qarşısında çıxış edib. Nəzərdə tutduğu bir sıra layihələri, məsələn, Bethovenin fortepiano üçün 3-cü konsertini Fəxrəddin Kərimovun idarəsi altında Dövlət Simfonik Orkestri ilə birlikdə ifa etməyi gerçəkləşdirdiyi üçün bu ili özü üçün uğurlu sayan Nərgiz xanım daha böyük qələbələrdən ötrü Qarabağ nisgilimizə son qoyulmasını ən ümdə amil hesab edir.

 

Həftə içi.- 2008.- 11 iyun.- S. 8.