Təranə

Simfonik Orkestr Münhen festivalında

Bu günlərdə Opera və Balet Dram Teatrının rəhbərliyi Münhen Opera Sənəti festivalının baş direktoru Lüdviq Baumandan teatrın simfonik orkestrinin və aparıcı solist Əməkdar artist Əvəz Abdullayevin bu mötəbər musiqi festivalında iştirakı ilə bağlı rəsmi dəvət alıb. Teatrın mətbuat xidmətinin məlumatına görə, orkestr Münhen festivalında artıq ikinci dəfə çıxış edəcək. Musiqiçilərimizin ötənilki uğurlu çıxışını çox bəyənən təşkilatçılar orkestri bu il yenidən festivala dəvət edib.

İyulun 24-dən avqustun 4-nə kimi baş tutacaq səfər çərçivəsində orkestr C.Verdinin "Traviata", "Riqoletto" və "Trubadur" operalarının tamaşalarını idarə edəcək. Avqustun 3-də isə "Qrand Final" konsertində çıxış edəcək. Teatrın solisti, Əməkdar artist Ə.Abdullayev isə "Riqoletto" operasında Riqoletto partiyasını ifa edəcək. Final konsertində bir sıra klassik dünya bəstəkarları və eləcə də Azərbaycanın dünya şöhrətli bəstəkarları Üzeyir Hacıbəyov, Qara Qarayev və Fikrət Əmirovun əsərləri ilə çıxış edəcəklər. Orkestri Münhen Opera Sənəti festivalının baş diriyoru Komeliya Fon Kerssenbrok və Opera və Balet Teatrının baş diriyoru, Xalq artisti Cavanşir Cəfərov idarə edəcəklər.

Əvvəlki illərdə olduğu kimi, bu il də Azərbaycan Opera və Balet Teatrının orkestri ilə yanaşı festivalda Münhen Opera Teatrının simfonik orkestri də iştirak edəcək.

Festivalda Avropanın və Latın Amerikasının müxtəlif ölkələrindən, habelə ABŞ və Yaponiyadan olan ən yaxşı diriyor və vokalçıların iştirakı da nəzərdə tutulub.

Kaspi.- 2008.- 4 iyun.- S. 12.