“O olmasın, bu olsun” yeni quruluşda

AzərTAc Azərbaycan Dövlət Musiqili Komediya Teatrının mətbuat xidmətinə istinadla xəbər verir ki, dahi bəstəkarımız Üzeyir Hacıbəyovun bütün əsərləri öz sadəliyi, milli koloriti, reallığı ilə əsrlərin sınağından şərəflə çıxmış, nəsillər zövqlər dəyişsə öz aktuallığını qoruyub saxlamışdır.

Ötən əsrin əvvəllərində yazılan, dəfələrlə bu ya digər teatr kollektivinin təsfirində tamaşaya qoyulan, iki dəfə böyük ekranda canlandırılan “O olmasın, bu olsun”un qəhrəmanları yenə Azərbaycan Dövlət Musiqili Komediya Teatrının səhnəsinə çıxmağa hazırlaşır. Xalq artisti Cənnət Səlimova teatrın yeni rəhbərliyinin dəvəti ilə bu məşhur əsəri tamaşaya qoyacaqdır.

Teatrın direktoru, əməkdar incəsənət xadimi, sənətşünaslıq namizədi Əliqismət Lalayevin fikrincə, Cənnət xanım yetərincə səhnə həyat təcrübəsi olan, müasir düşüncəli bir sənətkardır, onun yozumunda “O olmasın, bu olsun”, yəqin ki, yenə fərqli çalarlarla təqdim olunacaqdır. Xatırladaq ki, Cənnət xanım 1998- ci ildə məhz bu teatrın səhnəsində həmin əsərə quruluş vermişdi. Onun yenidən Üzeyir Hacıbəyovun bu əsərinə müraciət etməsi təsadüfi deyildir. Yaradıcı heyət inanır ki, milli-mənəvi dəyərlərimizin qorunub saxlanılması üçün bu günün gəncliyi tariximizi daha dərindən öyrənməli, dahilərimizin sənət nümunələri ilə yaxından
tanış olmalıdır.

Mədəniyyət tariximizi öyrənmək istəyənlər üçün bəzi faktların maraqlı olacağını nəzərə alaraq bildiririk ki, “O olmasın, bu olsun” ilk dəfə M.Maqomayevin rejissorluğu ilə 1913-cü ildə tamaşaya qoyulmuşdur. 1942-ci ildə isə o zaman öz istedadı ilə yaşıdlarından seçilən gənc rejissor Ş.Bədəlbəyli ona təkrar səhnə həyatı vermişdir. Tanınmış aktyorlar Əlihüseyn Qafarlı, Aliyə Terequlova, Kamal Kərimov, Nəsibə Zeynalova, Lütfəli Abdullayev tamaşanın araya-ərsəyə gəlməsində fəallıq göstərmişlər. 1954-cü ildə isə Soltan Şərifov dövrün tələb maraqlarına cavab olaraq, bu əsərin səhnə yozumunu bir qədər dəyişdirməyə çalışmışdır. Bu ənənəni 1985-ci ildə rejissor Vaqif İbrahimoğlu davam etdirmişdir. Son illərin yeni quruluş cəhdi isə Cənnət xanım Səlimovanın qismətinə düşmüşdür. Bu dəfə 1998-ci ilin səhnə təfsirindən xeyli fərqli bir quruluş nəzərdə tutulmuş, yaradıcı heyətin tərkibi xeyli cavanlaşmışdır. Cənnət Səlimovanın budəfəki həmfikirləri - quruluşcu dirijor Nazim Hacıəlibəyov, əməkdar rəssam İsmayıl Məmmədov, baletmeysterlər Zakir Yeganə Ağayevlər, xormeyster Vaqif Məstanov dirijor Ziya Bağırovdur. Aktyorlara gəlincə, yeni quruluşda Məşədi İbad obrazını əməkdar artist Ramiz Məmmədov canlandıracaqdır. Gülnazı İnarə Babayeva (ikinci ifaçı Nərgiz Kərimova), Sərvər rolunu Fərid Əliyev (Ramil Qasımov) oynayacaqlar.

Görkəmli səhnə ustaları, respublikanın xalq artistləri Afaq Bəşirqızı Arif Quliyev gənc həmkarları ilə bərabər səhnəyə çıxacaqlar.

Teatr iyul ayının birinci ongünlüyündə elə bu tamaşa ilə mövsümü başa vuracaqdır.

Teatrın direktoru Ə.Lalayev belə bir faktı da açıqlamışdır ki, 98 yaşlı teatr bu il ilk dəfə Türkiyənin Qars şəhərində Azərbaycan Demokratik Cümhuriyyətinin 90 illik yubileyi münasibətilə keçirilən şənliklərdə uğurla iştirak etmişdir. Teatr rəhbərliyinin təşəbbüsü ilə Rusiya Federasiyasının ən böyük mədəniyyət mərkəzlərindən biri sayılan Novosibirsk Operetta Teatrının kollektivi bu ilin sonunda dahi bəstəkarımız Qara Qarayevin 90 illik yubileyi münasibətiləCoşğun qaskoniyalıəsərini tamaşaya qoyacaqdır.

İki sahil.- 2008.- 14 iyun.- S. 8.