Prezident
İlham Əliyevin 2007-ci il 13 dekabr tarixli fərmanı
ilə təsdiq edilmiş "Azərbaycan
Respublikasının Prezidenti yanında Qeyri-Hökumət
Təşkilatlarına Dövlət Dəstəyi
Şurası haqqında Əsasnamə"yə uyğun
olaraq martın 15-də AMEA-nın rəyasət heyətinin
iclas zalında keçirilmiş növbəti
yığıncaqda təhsil, elm və mədəniyyət
sahələri üzrə ixtisaslaşmış QHT qrupundan
şura üzvlüyünə 3 namizəd müəyyən
edilmişdir.
Prezidentin İcra Aparatının ictimai-siyasi
məsələlər şöbəsinin sektor müdiri Tahir
Süleymanov məlumat vermişdir ki, yığıncaqda
təhsil, elm və mədəniyyət sahələri
üzrə ixtisaslaşmış QHT qrupundan 59
nümayəndə iştirak edir. Namizədlərin sayı
isə 39-dur.
Yığıncağın sədarəti seçilmiş,
gündəlik və reqlament təsdiq edilmişdir.
Namizədlər özləri haqqında məlumat verdikdən
sonra səsvermə keçirilmişdir.
Səsvermə nəticəsində Milli Qeyri-Hökumət
Təşkilatları Forumunun prezidenti Azay Quliyev,
"Qloballaşan Azərbaycan Sivil İnkişaf
Mərkəzi" İctimai Birliyinin sədri Anar
Əsədov və "Bakı İncəsənət
Mərkəzi" Yaradıcılıq Birliyinin baş
direktoru Rafail Gülməmmədli Qeyri-Hökumət
Təşkilatlarına Dövlət Dəstəyi
Şurasına təhsil, elm və mədəniyyət
sahələri üzrə ixtisaslaşmış QHT qrupundan
üzvlüyə namizəd seçilmişlər.
Səsvermə və səslərin sayılması prosesini
qeyri-hökumət təşkilatlarının
nümayəndələri və jurnalistlər
müşahidə etmişlər.
Azərbaycan.- 2008.- 16 mart.- S. 11.