Şirinov E.

 

Kulinarlarımızın Malta səfəri uğurlu olub

Komanda ölkəmizə medallarla qayıdıb


Azərbaycan kulinarları fevralın 20-dən 28-nə kimi Maltada keçirilən Beynəlxalq Kulinariya çempionatından qayıdıb. Yarışmada kulinarlarımızla yanaşı, Türkiyə İsrail aşpazları da iştirak edib.
"Azərsun Holdinq" Şirkətlər Qrupunun Mədəniyyət Mərkəzində Maltada keçirilən çempionatın yekunlarına həsr olunan mətbuat konfransında Azərbaycan Milli Kulinariya Mərkəzinin (AMKM) baş direktoru Tahir Əmiraslanov bildirdi ki, bu dəfə milli komanda əsasən gənclərdən ibarət idi. Onun sözlərinə görə, Aynurə Əmiraslanova, Nailə Mürsəlova, Yeganə İsmayılova, Orxan Muxtarov, Anar Qasımov, Fuad Əliyev, Cəlal Məmmədov, Emil Qurbanov, Nazim Cəfərov İradə Abbasovanın təmsil olunduğu komanda 40 sinif yarışda iştirak edib: "Maltada əvvəlki illərdən fərqli olaraq, yarışlar çox pis təşkil olunmuşdu. Yarışa 30-a qədər iştirakçı ölkə əvəzinə cəmi 4 ölkə qoşulmuşdu. Münsiflər heyətinin tərkibi zəif idi. Biz aydınlaşdırdıq ki, bütün bunlara səbəb Malta Kulinariya Assosiasiyasının iki yerə parçalanması, iki paralel Assosiasiyanın fəaliyyəti, bunun nəticəsində ümumdünya Kulinariya Təşkilatları Birliyi ilə gərginliyin yaranması olub".

T.Əmiraslanov bildirdi ki, münsiflər heyətinin mənfi münasibətinə baxmayaraq, Azərbaycan komandası 4 gümüş, 4 bürünc medal və 2 fərqlənmə sertifikatı qazanıb. Komandanın üzvlərindən Orxan Muxtarov (balıq xörəyi) Yeganə İsmayılovanın (orijinal qurman xörəyi) əl işləri xüsusi maraq doğurub. T.Əmiraslanov qeyd etdi ki, yarışmada əsasən Azərbaycandan aparılan məhsullardan istifadə olunub. O, bunu milli məhsullarımızın daha keyfiyyətli olması ilə əlaqələndirdi: "çempionatda biz daha çox yerli məhsullardan istifadə etməyə çalışdıq. SPT3 hazırlama xidmət etmə sinfində biz Tovuz-Baltiya şirkətinin şərablarından, digər yarışlarda isə "Azərsun Holdinq"in istehsal etdiyi "Final" marqarinindən, zeytun, qarğıdalı yağlarından istifadə etdik".
Milli kulinarlara dəstək verən "Monte Kristo" şadlıq sarayının Mədəniyyət Turizm Nazirliyinin rəhbərliyinə minnətdarlığını bildirən T.Əmiraslanov daha bir sponsorlarını təqdim etdi. Onun sözlərinə görə, "Farmed" tibb müəssisəsinin təbii üsullarla müalicə mərkəzinin direktoru Seyfəddin Əsəd təmənnasız olaraq bundan sonra milli komandanın sağlamlığı keşiyində dayanacaq.

Komandanın üzləşdiyi problemlərdən danışan T.Əmriaslanov onu da qeyd etdi ki, AMKM-nə indiyə qədər iş yerinin, ofisin verilməməsi mərkəzin işini iflic vəziyyətə salıb: "Buna görə "Kulina" jurnalının nəşri dayanıb. Komandanın hazırlıq səviyyəsi getdikcə zəifləyir. İndiyə qədər toplanmış materiallar artıq xarab olub sıradan çıxır".

***

Milli Kulinariya Mərkəzinin rəhbəri bildirdi ki, əgər problemlər tezliklə öz həllini taparsa, dünya üzrə ilk dəfə keçiriləcək "Qlobal usta aşpaz" yarışında da ad qazana bilərlər. Hələlik isə onlar Umumdünya Kulinariya Təşkilatları Birliyinin Praqa şəhərində keçirilmiş Avropa Qitə Konfransında üzvlük haqqını ödəməyən dörd ölkədən birinin komandası kimi təqdim edilib...

T.Əmiraslanov onu da vurğuladı ki, milli kulinarlarımız bu ilin mayında Dubayda keçiriləcək yarışmaya da çox ciddi hazırlaşırlar.

***

Kulinarlarımızın uğurlarını alqışlayan "Azərsun Holdinq" Şirkətlər Qrupunun media və piar şöbəsinin müdiri Afiq Səfərov Azərbaycan Milli Kulinariya Komandasına dəstək verməkdən, onlarla birgə işləməkdən məmnun olduqlarını bildirdi. A.Səfərovun sözlərinə görə, "Azərsun Holdinq" bundan sonra da komandaya öz dəstəyini əsirgəməyəcək.

Sonda Maltada keçirilən çempionatda gümüş və bürünc medal qazanmış kulinarlarımıza "Azərsun Holdinq"in hədiyyələri təqdim olundu.

 

Təzadlar.- 2008.- 12-18 mart.- S. 10.