Həmidoğlu A.
Xalqımızın əziz bayramı
Novruz ölkəmizin hər yerində olduğu kimi Nəsimi rayonunda da böyük təntənə ilə qeyd edildi.
Əvvəlcə 300 şəhid
ailəsinə, müharibə
veteranı və əlilə, bayram sovqatı və pul yardımı verildi. Rayondakı 50 yataq xəstəsinə sovqat və yardım evlərində təqdim olundu.
Sonra şəhərin
mərkəzindəki Muğam
parkında Nəsimi rayon icra hakimiyyəti
və Yeni Azərbaycan Partiyası rayon təşkilatının
təşkil etdiyi gözəl bayram şənliyi keçirildi.
Zövqlə bəzədilmiş
parkda rayondakı orta məktəblərdə
təhsil alan şagirdlərin əl işləri nümayiş
etdirilirdi. Gənc idmançıların nümunəvi
çıxışları toplaşanların marağına
səbəb oldu.
Nəsimi rayon icra hakimiyyətinin başçısı
Nəsib Məhəməliyev
və Yeni Azərbaycan Partiyası rayon təşkilatının
sədri, millət vəkili Məlahət Həsənova hamını
bu qədim və həmişəyaşar
bayram münasibətilə
təbrik edib öz xoş arzularını bildirdilər.
Natiqlər bildirdilər ki,
bu il də
xalqımız Novruzu böyük uğurlarla qarşılayırlar. Ölkəmizdə
vüsət alan iqtisadi inkişaf, böyük quruculuq və abadlıq işləri, gündən-günə qüdrətlənən
müdafiə potensialı
Azərbaycanımızı bölgənin ən nüfuzlu dövlətinə çevirib
və hörmətli Prezidentimiz İlham Əliyevin rəhbərliyi
altında bu proses daha da
möhkəmlənir. Məhz buna
görə də, xalqımızın böyük
əksəriyyəti bu
il keçiriləcək
prezident seçkilərində
möhtərəm dövlət
başçımızı dəstəkləmək və
onu yenidən Prezident görmək istəyir.
Sonra maraqlı və rəngarəng konsert proqramı başlandı.
Biri-birini əvəz edən aşıq və muğam musiqisi, qara zurnanın sədaları,
Vətənə və
Novruza həsr edilmiş şeirlər və mahnılar, sirk ustalarının məharəti hamının
ürəyini riqqətə
gətirdi. Novruzun canlı
simvolları Bahar qız, Kosa və Keçəlin gəlişi və şux zarafatları mərasim iştirakçılarına
unudulmaz dəqiqələr
yaşatdı.
Şənlik başa çatdıqdan sonra rayon ictimaiyyətinin nümayəndələri 1 nömrəli
Uşaq evinə getdilər. Gözəl
bayram sovqatları və hədiyyələr
balacaların sevincinə
səbəb oldu.
Xalq qəzeti.- 2008.- 19 mart.- S. 5.