Bədəlov Ə.

 

Fransada erməni soyqırımı qurbanları abidəsi təhqir olunub

 

Ermənilər guya türklər tərəfindən soyqırımına məruz qalmaları barədə beynəlxalq aləmdə hay-küy salsalar da, hələ ki, heç nəyə nail ola bilməyiblər. Artıq onların yalanlarına inanan yoxdur. Bəzi ölkələrin parlamentləri qondarma erməni soyqırımının tanınması barədə qərar qəbul etsələr , tarixi faktlarla yaxından tanış olduqdan sonra belə bir qərara görə təəssüfləndiklərini bildiriblər. ABŞ konqresmenlərinin bir qrupunun erməni soyqırımı barədə hazırlanmış qərar layihəsinə atdıqları imzanı sonradan geri götürmələri barədə bəyanat vermələri zamanı da əsl gerçəkliyin dərk edildiyinin şahidi olduq.
Erməni lobbisinin təsir vasitələrinin güclü olduğu ölkələrdə qondarma erməni soyqırımı qurbanlarının xatirəsinə ucaldılmış abidələr son vaxtlar ya dağıdılır, ya da təhqir olunur. Bu fakt da təsdiqləyir ki, artıq dünya ölkələri erməni yalanından cana doyub. Ona görə onların yalanlarını əks etdirən abidələr dağıdılır.
Yaxın günlərdə, may ayının 15- Fransanın Volens şəhərində belə bir hadisə baş verib. Bu ölkədə yaşayan müstəqil jurnalist Jan Ekiyanın yaydığı məlumatda bildirilir ki, Volnes şəhərində erməni soyqırımı qurbanları abidəsinin postamentinə qara rənglə təhqiramiz sözlər yazılıb. Postamentdə daha sonra yazılıb ki, ermənilər heç vaxt soyqırımına məruz qalmayıblar. Onlar özləri soyqırımı törədiblər. Jurnalist bildirib ki, postamentdə yazılmış Ermənilər vəhşidir, quldurdur. Bu xalq qəddardır, hiyləgərdir cümlələri kənardan diqqəti cəlb edir.
J.Ekiyanın yaydığı informasiyada qeyd olunub ki, erməni soyqırımı qurbanlarının xatirəsinə ucaldılmış abidənin təhqir olunması birinci hadisə deyil. 2008-ci ilin yanvarından bu vaxta qədər bu, 7-ci biabırçı hadisədir. Fransanın Sen-Şamon, Kreteyle, Lion, Volens, Kardif şəhərlərində, Macarıstanda Lvovda qondarma erməni soyqırımı qurbanlarının xatirəsinə ucaldılmış abidələr yerli sakinlər tərəfindən dağıdılıb təhqir olunub.
Bütün bunlar bir daha təsdiqləyir ki, ermənilərin tarixi saxtalaşdırmaq cəhdləri artıq iflasa uğrayır. Onların türklər tərəfindən soyqırımına məruz qalmaları haqqında yalanları ayaq tutsa da, yeriyə bilmədi.

Xalq qəzeti.- 2008.- 21 may.- S. 7.