Bayramov O.

Türkiyənin Ceyhan şəhərində Heydər Əliyev Muzeyi açılmışdır

Mayın 14-də Türkiyənin Ceyhan şəhərində Heydər Əliyev Fondunun dəstəyi ilə yaradılmış Heydər Əliyev Muzeyinin açılış mərasimi olmuşdur.
Mərasimdən əvvəl Bakıdan gəlmiş qonaqlar və Ceyhan bələdiyyəsinin üzvləri Azərbaycan-Türkiyə Qardaşlıq parkında Heydər Əliyevin abidəsinin önünə gül qoymuşlar.
Mərasimdə çıxış edən Xarici Ölkələrdə Yaşayan Azərbaycanlılarla İş üzrə Dövlət Komitəsi sədrinin müavini Valeh Hacıyev bildirmişdir ki, ulu öndər Heydər Əliyevin neft strategiyasının ən gözəl nümunəsi olan Bakı-Tbilisi-Ceyhan əsas ixrac boru kəməri Türkiyə və Azərbaycan arasında qardaşlıq körpüsü olmuşdur. Burada fəaliyyət göstərəcək Heydər Əliyev Muzeyi türk dünyasının dahi şəxsiyyətin xatirəsinə ehtiramının daha bir əlamətidir. Ceyhan şəhərinin bələdiyyə başqanı Hüseyn Sözlü BTC boru kəmərinin bölgənin iqtisadi-sosial inkişafında böyük əhəmiyyətindən bəhs etmişdir.
Ceyhan bələdiyyəsinin nümayəndələri, Azərbaycanın Türkiyədəki səfiri Zakir Həşimov, İstanbuldakı baş konsulu Səyyad Aran muzeyin eksponatları ilə tanış olmuşlar.
Heydər Əliyev Fondunun muzeyə təqdim etdiyi 162 fotoşəkil və ulu öndərin həyat və fəaliyyətindən bəhs edən kitablar mərasim iştirakçılarında böyük maraq doğurmuşdur.
Mərasimdən sonra Azərbaycan-

Azərbaycan.- 2008.- 16 may.- S. 6.