Fəxriyyə

Bakı Turizm və İnformasiya Mərkəzində Heydər Əliyevlə bağlı tədbir keçirildi

Aprelin 28-dən mayın 2-dək Mədəniyyət və Turizm Nazirliyi və Birləşmiş Millətlər Təşkilatının İnkişaf Proqramı arasında imzalanmış sazişə əsasən Bakı şəhərində və Azərbaycanın müxtəlif turizm potensiallı regionlarında yaradılmış turizm-informasiya mərkəzləri əməkdaşlarının iştirakı ilə keçirilən treninq-kurslar sona çatdıqdan sonra Bakı Turizm və İnformasiya Mərkəzinin təşəbbüsü ilə mərhum prezidentimiz Heydər Əliyevin 85 illik yubileyi ilə əlaqədar tədbirlər silsiləsinin tərkibi olaraq ümumi yığıncaq keçirilib. Tədbirdə bütün informasiya mərkəzlərinin əməkdaşları iştirak edib.

Bakı Turizm və İnformasiya Mərkəzinin direktoru Əlibəndə Məmmədov, Bakı BMT-İpək inkişaf Proqramı Turizm İnkişaf Layihəsinin milli koordinatoru Faiq Qürbətov çıxış edərək mərhum prezidentin həyat və fəaliyyətindən danışıblar. Həmçinin tədbir iştirakçıları Azərbaycanda turizm sahəsi ilə bağlı H.Əliyevin tövsiyələrinin həm Bakıda, həm də regionlarda həyata keçirilməsi ilə bağlı müzakirələr aparıblar.

Sonda iştirakçılar Bakı-paytaxt ekskursiyası adlı səyahət proqramının davamı olaraq mərhum prezidentin dövründə tikilən mədəniyyət evlərinə, yaşayış binalarına və digər obyektlərə baxış keçiriblər.

Mədəniyyət.- 2008.- 9 may.- S. 8.