Fərahim

"Xüsusi təyinat" təqdim edildi

Heydər Əliyevə həsr edilən film mərhum prezidentimizin BAM fəaliyyətindən bdhs edir

Teatr Xadimləri İttifaqında ümummilli lider Heydər Əliyevin 85 illik yubileyi ilə əlaqədar tanınmış rejissor Vaqif Mustafayevin dahi şəxsiyyətin həyat və fəaliyyətindən bəhs edən sayca onuncu "Xüsusi təyinat" filminin təqdimat mərasimi oldu.

Tədbirdə çıxış edən Mədəniyyət və Turizm naziri Əbülfəs Qarayev ulu öndərimiz Heydər Əliyevin 85 illik yubileyi ilə əlaqədar silsilə tədbirlər keçirildiyini və təqdimatın da bu qəbildən olduğunu qeyd etdi: "Bu tədbir başqalarından öz xüsusiyyətinə görə fərqlənir. Hamımıza yaxşı məlumdur ki, görkəmli Azərbaycan rejissoru Vaqif Mustafayev ulu öndərimiz Heydər Əliyevin həyat və fəaliyyətindən bəhs edən bu filmə qədər 9 film çəkmişdir və bu gün özünün 10-cu filmini təqdim edir. Bu film sanki həmin filmləri tamamlayır. Ulu öndərimizin Moskvada işlədiyi dövrlərdəki fəaliyyətini əks etdirən filmi həyəcansız izləmək mümkün deyil. Bilirik ki, Heydər Əliyevin Moskvada çalışdığı illər onun həyatının ən gərgin vaxtları olmuş və təzyiqlərə məruz qalmışdır. Lakin mətin iradəli ulu öndərimiz bu təlatümlərdən qalib çıxmışdır. Filmdə bu hadisələr çox ustalıqla lentə alınmışdır. Burada bizim indiyə qədər görmədiyimiz və bilmədiyimiz çox şeylər var. Ona görə də filmin yaradıcıları təşəkkürə layiqdir".

Vaqif Mustafayev filmin çəkilişlərinə ulu öndərin sağlığında başladıqlarını, lakin müəyyən səbəblərə görə bu işi tamamlaya bilmədiklərini qeyd etdi: "Heydər Əliyev həmişə mənə deyirdi ki, BAM çəkilən zaman mənimlə bir rejissor qatarla gedirdi və bir kino çəkmişdi. Bu söhbət mənim yadımda idi. Düz 3 il o filmin axtarışı ilə məşğul oldum. Lakin ekran işinin bütün nüsxələri yandırılmış, yeganə 1 nüsxəsi rejissorda qalmışdı. Mən böyük çətinliklə onu tapıb gətirdim. Bu film də məhz həmin 19 dəqiqəlik xronika əsasında ərsəyə gəlib. Həmin kadrlar ulu öndərimizin BAM fəaliyyətindən bəhs edir".

Çıxışının sonunda çəkdiyi filmlərin dünyanın bir çox diilərinə tərcümə olunduğunu və maym 10-da bir neçə ölkədə nümayiş etdiriləcəyini deyən rejissor buna görə özünü xoşbəxt hiss etdiyini dedi.

Çıxışlardan sonra film iştirakçılara nümayiş etdirildi.

Mədəniyyət.- 2008.- 9 may.- S. 3.