Quliyeva Z.
Son günlərdə Azərbaycan
Dövlət Mədəniyyət
və İncəsənət
Universitetində ulu öndər Heydər Əliyevin anadan olmasının 85 illiyi münasibətilə ardıcıl
tədbirlər keçirilir.
Universitetin yaradıcılıq
həyatına əlavə
bir vüsət, qaynarlıq gəlib. Bir-birini izləyən tədbirlər
sırasında Musiqi sənəti fakültəsinin
"Türksoy xalqlarının
müsiqi mədəniyyətinin
tətbiqi problemləri"nə həsr edilən elmi-praktiki konfransı, Bədən tərbiyəsi kafedrasının
dalbadal keçirdiyi idman yarışlarını,
Aktyor sənəti fakültəsinin iki ay müddətdə tələbələr
arasında böyük
uğurla davam edən "Bədii qiraət" müsabiqəsini,
Rəssamlıq fakültəsi
tələbələrinin ulu
öndərə ithaf
etdikləri sərgidə
göstərilən plakat,
xalça, yağlı
boya janrındakı işlərini, Kinooperator kafedrasının
təşkil etdiyi sərgidə nümayiş
olunan tələbə-operatorların fotokompozisiyalarını
bu tədbirlərin bəzəyi hesab etmək olar. Tədbirlərdə təkcə ADMİU-nun
tələbə və
müəllimləri deyil,
eləcə də çoxlu sayda ictimaiyyət nümayəndələri
iştirak etmiş, qalib tələbələr
mükafatlandırılmış, ulu öndərin həyatı, mədəniyyətimizə
unudulmaz xidmətləri
barədə dəyərli
fikirlər səslənmiş, xatirələr dinlənilmişdir.
Ən önəmli də odur ki,
bu tədbirlər kampaniya xarakteri daşımır, müəllimlərin
auditoriyalarda söylədiyi
mühazirələrdə, seminar və praktik məşğələlərdə
davam etdirilir, tələbələrin imtahan
biletlərində əks
olunur.
Azərbaycan.- 2008.- 9 may.- S. 12.