Milli Parkda möhtəşəm bayram konserti və atəşfəşanlıq

Ümummilli liderimiz Heydər Əliyevin doğum günü şərəfinə Bakı Şəhəri İcra Hakimiyyəti mayın 10-da Milli Parkda möhtəşəm bayram konserti və atəşfəşanlıq təşkil etmişdir.
“Ağ fontan”ın qarşısında on minlərlə insan respublikamızın tanınmış incəsənət ustalarının ifasında şux mahnılar dinləmiş, gözəl rəqslərə tamaşa etdikdən sonra, eyni vaxtda Bakının 25-dən çox müxtəlif nöqtəsində 30 dəqiqəyədək möhtəşəm atəşfəşanlıq şəhərimizin bahar səmasını əlvan rənglərə boyamışdır.
Almaniya, İtaliya və ABŞ-dan gətirilən və kompyuterlə idarə olunan avadanlığın yaydığı rəngarəng işıqlar 15 kilometr radiusda Bakı səmasını çıraqbana döndərmişdir.

Xalq qəzeti.- 2008.- 11 may.- S. 3.