Musaoğlu İ.
Aprelin 28-də Zaqatala
rayonunun Dədə Qorqud meydanında ümummilli liderimiz
Heydər Əliyevin 85 illik yubileyinə həsr olunmuş
ümumrayon “Kitab bayramı” keçirilmişdir. “Kitab
bayramı”nda ulu öndərimiz Heydər Əliyevə
həsr olunmuş kitab sərgisi və digər əl
işlərindən ibarət sərgi, məktəblilərin
ümummilli liderimizə həsr olunmuş şeir
kompozisiyaları nümayiş etdirilmiş, rayon
incəsənət ustalarının konsert proqramı
təşkil olunmuşdur.
Tədbirdə Zaqatala Rayon İcra Hakimiyyətinin
başçısı Asif Əsgərov
çıxış edərək ümummilli liderimiz
Heydər Əliyevin fəaliyyəti dövründə
kitabxanalara yüksək qiymət verildiyini, bu bayramın
məqsədinin Heydər Əliyev irsinin və rayon
kitabxanaları fondunun təbliğ edilməsindən ibarət
olduğunu qeyd etmişdir. O toplantı
iştirakçılarını böyük
şəxsiyyət, görkəmli alim, məşhur oftalmoloq
Zərifə xanım Əliyevanın doğum günü
və ulu öndərin 85 illik yubileyinə həsr edilmiş
“Kitab bayramı” münasibəti ilə təbrik etmişdir.
Xalq qəzeti.- 2008.- 1 may.- S. 10.