Mədəniyyət toplusunun təqdimatı
olub
Dünən Muzey Mərkəzində
Mədəniyyət və
Turizm Nazirliyinin son bir ildəki
fəalliyyətini əks
etdirən "Mədəniyyət"
toplusunun təqdimatı
keçirilib. Ümummilli
lider Heydər Əliyevin 85 illiyinin qeyd edildiyi bir
vaxtda bu kataloq Nazirliyin yubileyə layiqli hədiyyəsi olub.
Tədbirdə çıxış edən
mədəniyyət və
turizm naziri Əbülfəs Qarayev son illər Azərbaycanda gedən proseslər nəticəsində
ölkəmizin dünyaya
inteqrasiyasının daha
da sürətləndiyini
bildirib: "Ulu
öndərimiz Heydər
Əliyevin təməlini
qoyduğu siyasət və onun ölkə
rəhbərliyi tərəfindən
uğurla davam etdirilməsi nəticəsində
xalqımızın mədəniyyəti
özünün yüksək
inkişaf dövrünü
yaşayır, bu gün Azərbaycan mədəniyyəti
dünyada tanınır.
Artıq xarici telekanallarda ölkəmizin
mədəniyyətini təbliğ
edən reklam çarxları yayımlanır.
Turizm sahəsində irəliləyişlər də
göz önündədir.
Xarici turizm şirkətlərinin Azərbaycana
marağı ildən-ilə artır. Heydər Əliyev Fondunun prezidenti Mehriban Əliyevanın diqqət və qayğısı sayəsində
də mədəniyyət
sahəsində bir çox böyük uğurlara imza atılıb". Nazir bu yaxınlarda Heydər Əliyev Fondunun dəstəyi ilə 140 nəfərdən
ibarət Uşaq Simfonik Orkestrinin Avropanın 3 böyük ölkəsində konsert proqramı ilə çıxış edəcəyini
vurğulayıb. Ə.Qarayev təqdim olunan kataloqun ildə 1 dəfə nəşr ediləcəyinin
və onun xarici ölkələrdə
də yayılması
üçün daha ciddi səylə çalışacaqlarını bildirib.
Millət vəkili
Nizami Cəfərov da mədəniyyət toplusunun işıq üzü görməsinin
zəngin mədəniyyətimizin
təbliğinin önəmli
bir təzahürü
olduğunu söyləyib:
"Ulu öndərimizin
təməlini qoyduğu
mədəni siyasətin
3 prinsipi var ki, bu gün
mədəniyyətimiz bu
prinsiplərin hesabına
qorunur və inkişaf edir. Həmin prinsiplər mövcud tarixi mədəniyyətimizin qorunub
saxlanması, keçmiş
və müasir mədəniyyətimizin dünya
miqyasında tanıdılması
və yaradıcı şəxsiyyətlərin qiymətləndirilməsidir".
N.Cəfərov bu gün dünyanın taleyini xalqların mədəniyyətlərinin həll
etdiyini və bu toplunun mədəniyyətimizin
təbliği üçün
mühüm iş olduğunu bildirib.
Xalq şairi Fikrət
Qoca, teatrşünas Məryəm Əlizadə,
Dövlət Film Fondunun direktoru Cəmil Quliyev də kataloqun nəşrinin ölkəmizin
mədəniyyət siyasətinin,
qazanılan uğurların
təbliği baxımından
əhəmiyyətini xüsusi
qeyd ediblər. Onlar topluda materialların
xarici dillərdə işıq üzü görməsinin də faydalı cəhət olduğunu diqqətə çatdırıblar. Qeyd
edək ki, "Mədəniyyət" kataloqundakı
materiallar Azərbaycan,
rus və ingilis dillərində işıq üzü görüb. 320 səhifəlik
rəngli, illüstrasiyalarla
zəngin nəşr müxtəlif rubrikalara bölünüb. Bu rubrikalar Azərbaycan mədəniyyətinin müxtəlif
istiqamətlərinə güzgü
tutur. Nazirliyin fəaliyyətində turizm
sahəsi mühüm
yer tutduğu üçün topluda Azərbaycanın turizm imkanları haqqında da geniş informasiya
yer alıb. Kataloqda mədəni sahələr teatr, kino, musiqi, rəngkarlıq,
ədəbiyyat, uşaq
mədəniyyəti, diaspora
mədəniyyəti, analitik
mövzu rubrikalarında
təqdim edilib. Topludakı məqalələr
Rəhman Bədəlov,
Məryəm Əlizadə,
Aydın Talıbzadə,
Niyazi Mehdi, Teymur Daimi, Ülvi
Mehdi və başqa tanınmış
mütəxəssislər tərəfindən
qələmə alınıb.
Kataloqun musiqi rubrikasında xalqımızın qədim
tarixə malik muğam sənəti haqqında, onun inkişafı, qorunması,
həmçinin muğamımızın
dünyada tanıdılmasında
böyük işlər
görən millət
vəkili Mehriban Əliyevanın bu sahəyə diqqət və qayğısından bəhs
edilir. Bu rubrikada Bakıda
keçirilmiş klassik
musiqi proqramları, caz festivalı, xarici ölkələrdə
Azərbaycan mədəniyyəti
günlərindən, teatr
rubrikasında isə mövsümün ən yaxşı teatrı hesab edilən sənət ocağı sayılan ÜNS Teatrı
və burada səhnələşdirilən "Əli və Nino" tamaşasından
söz açılır.
"Mədəniyyət"də həmçinin xarici ölkələrdə
təşkil edilmiş
ən yadda qalan konsert və
sərgilər, modelyer
Fəxriyyə Xələfovanın
yaralıcılığını əks etdirən məqalələr və fotolar dərc olunub.
Nəfis tərtibatla
nəşr olunan topluda Azərbaycanın ən yaxşı fotoqraflarının çəkdikləri
şəkillər də
yer alıb. Mədəniyyətimizi, ölkəmizin
turizm zonalarını
əks etdirən fotolar kataloqu daha da maraqlı
edib.
525-ci
qəzet.- 2008.- 13 may.- S. 7.