Məmmədova S.

Uğura cağırıs

Son zamanlar Xaçmaz Rayon Mərkəzi Kitabxana Sisteminin işində bir dirçəliş duyulur. Kollektivin fəaliyyətindəki bu dönüşün bir sıra səbəbləri var:

• Rayon İcra Hakimiyyətinin başçısı Şəmsəddin Xanbabayevin mədəniyyətə olan qayğı və diqqəti, Rayon Mədəniyyət və Turizm Şöbəsinin müdiri Nazim Ağayevin gündəlik göstəriş və tövsiyələri bütün mədəni-maarif işçiləri kimi kitabxanaçıları da daha yaxşı çalışmağa ruhlandırmışdır.

• MKS-in təmiri nəticəsində müəssisədə əlverişli iş şəraiti yaradılmışdır.

• Kitabxanaların yeni nəşrlərlə zənginləşdirilməsi istiqamətində təsirli addımlar atılmışdır.

• Qabaqcıl iş təcrübəsinin yayılması və təbliğinə geniş yer verilir və s. və i.a.

Təbii ki, uğurun əldə edilməsində MKS-in direktoru Azad Əlifxanovun işgüzarlığını, rəhbərlik bacarığını, sağlam kollektiv formalaşdırmaq səriştəsini, vəzifəsinə məsuliyyətlə yanaşmasını və işinə ürəkdən bağlı olınasını da vurğulamaq lazımdır.

Nəzərə alanda ki, MKS özündə 97 kənd, 4şəhər və 1 mərkəzi, bütövlükdə 102 kitabxananı birləşdirir, onda kollektivin üzərinə nə qədər böyük məsuliyyət düşdüyünün bir daha şahidi oluruq. Bu kitabxanaların ədəbiyyat fondu 671890 nüsxədir. Latm qrafikalı kitabların sayı 100000 nüsxədən artıqdır.

Kitabxanada həyata keçirilən tədbirlərin rəngarəngliyi və dolğunluğu da diqqətdən yayınmır. Bu sırada ABŞ səfirliyinin maliyyə dəstəyi ilə yaradılan Regional Kitabxana Məlumat Mərkəzini xüsusi qeyd etməliyik. Kitabxanda ABŞ guşəsinin açılması da nıaraqla qarşılanmışdır. Tədbirdə Mədəniyyət və Turizm naziri Əbülfəs Qarayev və digər rəhbər işçilər də iştirak etmişlər.

Yeni Mədəni-maarif jurnalı.- 2008.- № 4.- S. 39.