M.F.Axundov adına Kitabxanada kitablar elektronlaşdırılır

Tezliklə azərbaycanlı oxucular Avropadakı kitabxanaların elektron məlumat bazasından yararlana biləcəklər. Azərbaycanın ən böyük Milli Kitabxanası olan M.F.Axımdov adına kitabxana kitabxana işini operativ şəkildə qurmaq, oxucularını razı salmaq üçün beynəlxalq təcrübəyə əsasən fonddakı kitablarm elektronlaşdırılmasına başlayıb.

Elektron kitabxana artıq oxucuların istifadəsinə verilib. Kitabxanada hətta virtual kitab sifarişləri də həyata keçirilir. Yəni kitabxanaya gəlməzdən əvvəl lazımi kitabları sifariş edib, olub-olmadığını müəyyənləşdirib tez zamanda əldə etmək olar. Yaxın vaxtlarda, daha dəqiq desək, təxminən bir aya kitabxana daha bir yenilik edəcək. Azərbaycanlı oxucular Avropadakı kitabxanaların elektron məlumat bazasından yararlana biləcəklər. Kitabxananın direktoru Kərim Tahirovun sözlərinə görə, Niderlandda Azərbaycan milli kitabxanasının elektron məlumat bazasının Avropa elektron kitabxanasına daxil olması barədə müqavilə mzalanıb: «Artıq bir aydan sonra Azərbaycanın oxucuları Avropa məkanında olan bütün milli kitabxanaların elektron məlumat bazasından istifadə edə biləcək. Yəni Azərbaycan oxucuları əlavə elektron ünvan yığmadan, birbaşa ünvanla bütün 27 Avropa Birliyinə daxil olan ölkələrin milli kitabxanalarının fonduna daxil olub orada axtarış aparmaq, istədiyi kitabları oxumaq imkanı əldə edəcək. Eyni zamanda, bu ölkələrin kitabxanalarının oxucuları da Azərbaycan Milli Kitabxanasının fondundan bəhrələnəcək».

Rabitə dünyası.- 2008.- 1 may.- S. 11.