Ağdamda muzeylər
sıradan çıxıb
Əldə etdiyimiz məlumata görə, Ağdam
rayonunun Qaradağlı kəndində müvəqqəti
olaraq yerləşdirilmiş Tarix-Diyarşünaslıq
Muzeyinin binası uzun illərdir təmir edilmədiyindən
tamamilə qəzalı vəziyyətə düşüb. Həmin obyektin dam örtüyü sıradan çıxdığından
yağış suları
binanın divarlarını
da yararsız hala salıb. İşğal olunmamışdan
öncə Ağdam rayonunun mərkəzində
fəaliyyət göstərmiş
adıçəkilən muzeydə
təxminən 5 mindən
artıq eksponatın olduğu, lakin zəbt olunduqdan sonra yalnız 780-dən çox
eksponatın indiki obyektdə saxlanıldığı
da vurğulanır. Bundan başqa, hazırkı binadakı acınacaqlı durumun günbəgün ağırlaşması
üzündən obyektdə
saxlanılan eksponatların
sıradan çıxa
biləcəyi ehtimalının
yüksək olması
da məlumatda öz əksini tapıb. Analoji durumun rayonun Mahrızlı kəndində
fəaliyyət göstərən
Rahib Məmmədov adına Döyüş Şöhrət Muzeyində
yaşandığı da
bildirilir. Qeyd olunur ki, atəşkəsin
pozulması nəticəsində
erməni hərbçilərin
atdığı top mərmisi sözügedən
obyektin binasının
bir hissəsini dağıtdığından muzey
uçulub-dağılmaqdadır.
Orada 200-ə qədər eksponatın saxlanıldığı, haqqında
söhbət gedən
qəzalı durum yaranandan sonra itməməsi üçün
bəzi eksponatların
paytaxtdakı muzeylərə
göndərildiyi söylənilir.
Bundan başqa,
Ağdam rayon Mədəniyyət və
Turizm Şöbəsinin
rəhbərliyinin haqqında
bəhs etdiyimiz eksponatların qorunub-saxlanılması üçün
sözügedən muzeylərin
əsaslı təmirinə,
yaxud yeni obyektlərin tikintisinə
ehtiyacın olması barədə Mədəniyyət
və Turizm Nazirliyinə (MTN) ünvanladığı
müraciətə qarşı
tərəfin müsbət
cavab vermədiyi də yayılan məlumatlar sırasındadır.
Deyilənlərin nə dərəcədə
doğru olduğunu öyrənmək üçün
MTN-in mətbuat xidmətinin əməkdaşı
İntiqam Hümmətovla
əlaqə saxladıq.
Əvvəlcə qeyd
etdiyimiz məsələdən
xəbərsiz olduğunu
vurğulayan İ.Hümmətov
əlində vacib işi olduğunu deyərək 20 dəqiqədən sonra əlaqə
saxlamağımızı məsləhət
gördü. Təəssüf
ki, gün ərzində bir neçə dəfə əlaqə yaratmağımıza
baxmayaraq, İ.Hümmətov
açıqlamaq istəmədiyi
vacib işini bitirmədiyini və suallarımızı cavablandıra
bilməyəcəyini vurğuladı.
525-ci qəzet.- 2008.- 16 may.- S. 7.