Mükərrəmoğlu M.

 

Mədəniyyət kataloqunun təqdimatı keçirildi

 

Mədəniyyət Turizm Nazirliyinin son bir ildəki fəaliyyətinə həsr olunmuş УMədəniyyətФ kataloqunun nəşri başa çatdırılmışdır. Bu günlərdə Muzey Mərkəzində həmin kataloqun təqdimatı keçirildi.
Təqdimat mərasimini giriş sözü ilə açan mədəniyyət turizm naziri Əbülfəs Qarayev ümummilli lider Heydər Əliyevin portreti ilə açılan bu kataloqun böyük insanın 85 illik yubileyinə ən layiqli hədiyyələrdən biri olduğunu bildirdi. O qeyd etdi ki, kataloq üç dildə - Azərbaycan, rus ingilis dillərindədir, 320 səhifəlik rəngli, illüstrasiyalı nəşrdir. O, müxtəlif rubrikalara bölünüb. Bu rubrikalar mədəniyyətin ayrı-ayrı istiqamətlərinə həsr olunub. Bundan əlavə, nazirliyin fəaliyyətində turizm sahəsi mühüm yer tutduğundan kataloqda Azərbaycan turizmi haqqında ətraflı informasiya verilir.
Nazir bildirdi ki, möhtərəm Prezident İlham Əliyevin qayğısı nəticəsində bir sıra uğurlu layihələr həyata keçirilmişdir.
Sonra Milli Məclisin mədəniyyət məsələləri daimi komissiyasının sədri Nizami Cəfərov, xalq şairi Fikrət Qoca, professor Məryəm Əlizadə, Dövlət Film Fondunun direktoru Cəmil Quliyev çıxış etdilər.
Məlumat üçün bildirək ki, kataloqda mədəniyyət sahələri aşağıdakı əsas rubrikalar altında təqdim olunur: Ц teatr, kino, musiqi, rəngkarlıq, ədəbiyyat, uşaq mədəniyyəti, diaspora mədəniyyəti, analitik mövzu, balet moda. Məqalələr Rəhman Bədəlov, Məryəm Əlizadə, Aydın Talıbzadə, Niyazi Mehdi, Ülvi Mehdi, Teymur Daimi başqa tanınmış mütəxəssislər tərəfindən qələmə alınıb. Yüksək tərtibat dizaynla təqdim olunan kataloqun baş redaktoru Leyla Əfəndiyevadır.
Kataloqun musiqi rubrikasında muğam sənətinin inkişafı qorunmasından, incəsənətin bu unikal sahəsinə Azərbaycanın birinci xanımı, millət vəkili Mehriban xanım Əliyevanın xüsusi diqqət qayğısından bəhs olunur. Eyni zamanda, bu rubrikada ötən il şəhərimizdə baş tutan klassik konsertlərdən, caz festivallarından, teatr rubrikasında mövsümün ən yaxşısı olan ÜNS Teatrı burada səhnələşdirilən УƏli NinoФ tamaşasından söhbət açılır.
Kataloqda uşaq yaradıcılığı, mədəniyyət sferasındakı problemlər, xaricdə təşkil olunan ən yaxşı konsert sərgilər, nəşriyyat problemləri, balet, həmçinin modelyer Fəxriyyə Xələfovanın yaradıcılığı haqqında məqalələr dərc olunub.
Müasir üslubda tərtibatda nəşr olunan kataloqda Azərbaycanın ən yaxşı fotoqraflarının mədəniyyətimizlə bağlı çəkdikləri keyfiyyətli fotolar ayrı-ayrı məqalələr üçün maraqlı illüstrasiyalar da yer alıb.
Kataloqda Azərbaycan dövlətinin apardığı mədəniyyət siyasətinin konkret nəticələri, yeni mədəni intibahın dərinləşməsi prosesi peşəkarlıqla ifadə edilmişdir.

Xalq qəzeti.- 2008.- 14 may.- S. 8.