Dağlıq Qarabağdakı mədəni abidələrin qorunması vacib məsələdir

Koişiro Matsuura: "Münaqişənin həlli istiqamətində nəticə əldə olunmadığından UNESCO Dağlıq Qarabağdakı tarixi abidələrin qorunması ilə bağlı heç bir addım ata bilmir"

"Dağlıq Qarabağdakı mədəni abidələrin qorunması vacib məsələdir".

APA-nın məlumatına görə, bu sözləri UNESCO-nun baş direktoru Koişiro Matsuura deyib.

Dağlıq Qarabağ probleminin siyasi məsələ olduğunu qeyd edən baş direktor münaqişənin həlli istiqamətində hələlik heç bir nəticə əldə olunmadığından, UNESCO-nun da tarixi abidələrin qorunması ilə bağlı hansısa addım ata bilmədiyini bildirib: "UNESCO siyasi təşkilat olmadığından, indiki mərhələdə biz bu məsələlərə müdaxilə edə bilmirik.

Bununla belə, UNESCO beynəlxalq təşkilat kimi prosesi diqqətlə izləyir". Matsuura UNESCO-nun regiona faktaraşdırıcı missiya göndərməyi planlaşdırdığını, ancaq səfərin nə vaxt baş tutacağının hələlik məlum olmadığını söyləyib: "Bu missiyanın baş tutması asan olmayacaq".

Xalq cəbhəsi.- 2008.- 16 may.- S. 9.