Hacıyev A.
Azərbaycan
Memarlıq və İnşaat Universitetinin gənc memarları
ilə İtaliyanın Florensiya Universitetinin Memarlıq
Məktəbinin müəllim və
tələbələrinin Bakının
İçərişəhər abidələrinin
timsalında memarlıq irsinin qorunması və ona müasir
dövrdə yeni həyat verilməsi problemlərinə
həsr olunmuş layihənin növbəti turunun
yekunlarının təqdimat mərasimi keçirilmişdir.
Mərasimi giriş sözü ilə Azərbaycan Memarlıq və İnşaat Universitetinin rektoru, memarlıq doktoru, professor Gülçöhrə
Məmmədova açaraq
bildirdi ki, respublikanın ali məktəblərində Avropa
təhsil sisteminə inteqrasiya istiqamətində
son zamanlar çoxsaylı tədbirlər
həyata keçirilir. Bu tədbirlərin məqsədi Avropanın nüfuzlu ali məktəblərində mütəxəssis
hazırlığı metodikası
ilə yaxından tanış olmaq, Bolonya sisteminin tələblərini öyrənmək,
mütərəqqi yenilikləri
Azərbaycan ali təhsil sisteminə tədbiq edərək ölkəmizi gələcəkdə dünya standartlarına uyğun mütəxəssislərlə təmin etməkdir. Bu istiqamətdə həyata keçirilən
tədbirlər içərisində
müəllim-tələbə
mübadiləsinin, birgə
layihələrin böyük
əhəmiyyəti var.
Rektor çıxışında
qeyd etdi ki, Azərbaycan Memarlıq və İnşaat Universiteti İtaliyanın elm və təhsil müəssisələri ilə
artıq bir neçə ildir ki, əməkdaşlıq
əlaqələri saxlayır.
Mövcud əlaqələr
hazırda yeni bir layihə ilə davam etdirilir. YUNESKO-nun və İtaliyanın Mədəniyyət Nazirliyinin
maddi dəstəyi zəminində Florensiya Universitetinin Memarlıq Məktəbi ilə həyata keçirilən
bu layihə memarlıq irsinin qorunması, bərpası
və müasir şəraitdə istifadəsinə
həsr edilmişdir. Layihə Florensiyada və Bakıda keçiriləcək müəllimlərin
konfranslarından və
tələbələrin təcrübi
seminarlarından ibarətdir.
Hazırda AMİU-nun memarlıq fakültəsinin
və Florensiya Universitetinin Memarlıq Məktəbinin müəllim
və tələbələri
İçərişəhərdə belə bir praktik
seminarda iştirak edirlər. Onlar qədim Bakının memarlıq abidələrinin
timsalında memarlıq
irsinin qorunması və ona müasir
dövrdə yeni həyat verilməsi problemini təcrübəli
mütəxəssislərin köməyi ilə birgə araşdırırlar.
Mərasimdə çıxış edən İtaliyanın Azərbaycandakı səfirinin
xanımı Marinella Maşa "İçərişəhər"
Dövlət Tarixi-Memarlıq Qoruğunda gördüyü abidələrlə
bağlı təəssüratlarından
söhbət açdı.
O bildirdi ki, bu unikal maddi
mədəniyyət abidələri
dünya memarlıq
irsinin nadir incilərindəndir.
Marinella Maşa hər iki universitet
tələbələrinin memarlıq
irsinin öyrənilməsi
və qorunması sahəsində gördüyü
işləri çox
yüksək dəyərləndirdi.
Florensiya
Universitetinin professoru Maurisio de Vita
layihə çərçivəsində
görülən işlərdən
geniş söhbət
açdı. O, YUNESKO-nun
"Dünya mədəni
irsi" siyahısına
daxil olan İçərişəhərin qorunması məsələsinə
toxunaraq qeyd etdi ki, Azərbaycan
və İtaliya mütəxəssislərinin təklifləri indiki şəraitdə olduqca əhəmiyyətlidir. Professor italiyalı
gənc memarların iki həftə ərzində İçərişəhərdə
gördüyü işlərin
çox səmərəli
olduğunu vurğuladı
və bu işlərin bir çoxunu virtual görüntülər vasitəsilə
tədbir iştirakçılarına
təqdim etdi.
Universitetin rektoru, professor
Gülçöhrə Məmmədova
tarixi irsin mühafizəsində, təmir-bərpa və konvensiya işlərinin aparılmasında böyük
təcrübəyə malik
olan italiyalı həmkarları ilə birgə işləməyin
faydalı olduğunu söylədi və bu layihəyə dəstək verən İtaliyanın Universitetlər
və Tədqiqatlar Nazirliyinə, bu ölkənin Azərbaycandakı
səfirliyinə öz
təşəkkürünü bildirdi.
Azərbaycan.- 2008.- 7 may.-
S. 12.