"Şahdağ" turizm kompleksinin müdiriyyəti
yaradılıb
Məqsəd kompleksin
vaxtında və keyfiyyətlə istifadəyə
verilməsidir
Mədəniyyət
və Turizm Nazirliyi tərəfindən Qusar rayonundakı
"Şahdağ" qış-yay turizm kompleksinin
vaxtında və yüksək keyfiyyətlə tikilib istifadəyə
verilməsi üçün tədbirlər həyata keçirilir.
Nazirlər Kabineti bu
məqsədlə nazirliyin nəzdində təsərrüfat
hesablı ""Şahdağ" qış-yay turizm
kompleksi"nin müdiriyyətini yaratmaq barədə qərar
verib. Yeni yaradılan müdiriyyət tikintinin layihə-smeta
sənədlərinə uyğun həyata
keçirilməsinə nəzarət edəcək,
layihənin idarə olunmasını təmin edəcək,
həmçinin tikintinin gedişində ortaya çıxan
problemlərin operativ həllini təmin edəcək.
Şərq.- 2008.- 22 may.- S. 14.